هێرشەکان لە سودان: ٢٧ کوژراو و ٤٣ بریندار
13 oC
13 oC
Güneşli
13 oC
Güneşli
بەپێی زانیارییەکان، لە هێرشی هێزەکانی پشتیوانی خێرای نیمچە سەربازی بۆ سەر گوندێکی ڕۆژئاوای سوودان، ٢٧ هاوڵاتی مەدەنی کوژراون و ٤٣ کەسیش بریندار بوون.
تۆڕی پزیشکانی سوودان کە گرووپێکی خۆبەخشە لە بەیاننامەیەکدا رایگەیاند، "دوێنێ (چوارشەممە) هێزەکانی پشتیوانی خێرا هێرشێکی بۆ سەر گوندی بریمە ڕەشید لە باکووری شاری ئەلنحود لە ویلایەتی کۆردۆفانی ڕۆژئاوا ئەنجام دایەوە و لە ئەنجامی هێرشەکەدا ٢٧ هاوڵاتی مەدەنی کوژران و ٤٣ کەسی دیکەش بە سەختی بریندار بوون".
لە بەیاننامەکەدا هاتووە "یەکەیەکی چەکداری هێزەکانی پشتیوانی خێرا بە شێوەیەکی دڕندانە هێرشی کردووەتە سەر هاوڵاتیانی مەدەنی و ژنان و منداڵان و بەساڵاچووانی بێ چەک لە ماڵەکانیاندا" و هێرشەکە بە "تاوانێکی قێزەون" و "تاوانێک دژی مرۆڤایەتی" وەسف کرد.
تۆڕەکە داوای لە کۆمەڵگەی نێودەوڵەتی کردووە ڕێوشوێن بگرێتەبەر بۆ وەستاندنی پێشێلکارییەکان بەرامبەر بە خەڵکی مەدەنی لە ناوچەکانی ژێر دەسەڵاتی هێزەکانی پشتیوانی خێرا و ڕێڕەوی مرۆیی دابمەزرێنن بۆ هاوکاریکردنی ئەو کەسانەی کە بە زۆر لە ماڵەکانیان ئاوارە بوون.
تا ئێستا هێزەکانی پشتیوانی خێرا سەبارەت بەو رووداوە ڕاگەیەندراوێکی بڵاونەکردووەتەوە.
سودان کەوتۆتە ژێر ململانێی نێوان هێزە چەکدارەکانی سودان و هێزەکانی پشتیوانی خێرا کە لە مانگی نیسانی ٢٠٢٣ سەریهەڵدا، ململانێکان بووەتە هۆی کوژرانی دەیان هەزار کەس و ئاوارەبوونی ملیۆنان کەس چ لە ناوخۆی وڵات و چ لە دەرەوەی سنوورەکانی، ئەمەش قەیرانی مرۆیی وڵاتەکەی قووڵتر کردووەتەوە.
لەم دواییانەدا شەڕ لە ناوچەی کۆردۆفان توندتر بووە و پارێزگاکانی باکوور، ڕۆژئاوا و باشووری کۆردۆفانی گرتووەتەوە. هێزەکانی پشتیوانی خێرا زۆربەی شارۆچکەکانی ڕۆژئاوای کۆردۆفانی کۆنترۆڵ کردووە و گەمارۆی ئەلعوبەیدی پایتەختی کۆردۆفانی باکوور دەدات.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٩ هەزار و ٦٧٦ کەس و ژمارەی بریندارەکانیش گەشتە ١٤٣ هەزار و ٩٦٥ کەس.
کازم غەریب ئابادی، جێگری وەزیری دەرەوەی ئێران لە لاپەڕەی تایبەتی خۆی سەبارەت بە دانوستان لەگەڵ ٣ وڵاتی ئەوروپی لە ئیستانبوول وتی، "ڕێکەوتن کرا بەردەوام بین."
نەتەوە یەکگرتووەکان ڕایگەیاند، "زیاتر لە ١ ملیۆن منداڵ لە غەززە باجی قووڵبوونەوەی برسێتی و بەدخۆراکی دەدەن."
تەیسیر سلێمان بەرپرسی بزووتنەوەی حەماس کاردانەوەی بەرامبەر ئەو کەسانە دەربڕی کە بزووتنەوە و بەرخۆدان بە هۆکاری کوژراوەکانی غەززە دەزانن و وتی، "ئەگەر بەرخۆدان تەسلیم بێت لەوانەیە بتوانن خواردن بخۆن، بەڵام سەریان دەبڕدرێت! ئامانجی ئیسرائیل ئەوەیە: ئەگەر ناتوانی بەرخۆدان تێکبدەیت، گەلەکەیان بکوژن. لەڕێگەی برسێتی و گەمارۆوە بیهێننە سەر ئەژنۆیان."
