نەتەوە یەکگرتووەکان ڕایگەیاند، "زیاتر لە ١ ملیۆن منداڵ لە غەززە باجی قووڵبوونەوەی برسێتی و بەدخۆراکی دەدەن."

فەرحان حەق، جێگری وتەبێژی نەتەوە یەکگرتووەکان ڕایگەیاند، لە کۆی ئەو ٥٦ هەزار منداڵەی کە تەمەنیان لە خوار تەمەنی پێنج ساڵەوەیە و لە دوو هەفتەی یەکەمی مانگی تەمموزدا پشکنینی بەدخۆراکییان بۆ کراوە لە ناوچەی دەیر ئەلبەلاح و خان یونس لە غەززە، نزیکەی ٥ هەزار منداڵیان تووشی بەدخۆراکی توند بووە.

حەق ئاماژەی بەوەشکرد، ئەم ڕێژەیە لە مانگی حوزەیران لەسەدا ٦ بووە و لە مانگی شوباتدا تەنها لەسەدا ٢.٤ بووە و وتی، "بەگوێرەی هاوبەشە خۆراکییەکانمان، زیاتر لە ١ ملیۆن منداڵ لە غەززە باجی قووڵبوونەوەی برسێتی و بەدخۆراکی دەدەن. رۆژانە ژمارەی گیانلەدەستدان بەهۆی بەدخۆراکییەوە لە زیادبووندایە."

حەق ئاماژەی بەوەدا کە ڕژێمی سەهیۆنی بەردەوامە لە ئاستەنگ بۆ یارمەتییە مرۆییەکان، ئاماژەی بەوەشکرد، ئەو یارمەتییانەی کە کارمەندان و هاوبەشەکانی نەتەوە یەکگرتووەکان لە ناوچەکە توانیویانە لە دوو مانگی ڕابردوودا بیگەیەننە غەززە، دوورە لە بەس بۆ دابینکردنی پێداویستییەکانی مانەوەی خەڵک وتی، "زۆر هۆکاری پەیوەست بەیەکەوە لە پشت بێتوانایی نەتەوە یەکگرتووەکان و هاوبەشەکانی لە گەیاندنی یارمەتییە پێویستەکان بۆ غەززە، لەوانە بەربەستی بیرۆکراتی، لۆجستی، کارگێڕی و بەربەستی ئۆپڕاسیۆنی دیکە کە لەلایەن دەسەڵاتدارانی ئیسرائیلەوە سەپێنراون."(İLKHA)