حەماس وەڵامی خۆی بۆ پێشنیاری ئاگربەستی غەززە پێشکەشی ناوبژیوانان کرد
13 oC
13 oC
Güneşli
13 oC
Güneşli
بزووتنەوەی خۆڕاگری ئیسلامی حەماس ڕایگەیاند کە وەڵامی خۆیان بۆ پێشنیاری ئاگربەست لە کەرتی غەززە بە ناوبژیوانان گەیاندووە.
بزووتنەوەی خۆڕاگری ئیسلامی حەماس لە بەیاننامەیەکدا ڕایگەیاندووە، "بزووتنەوەی حەماس تازە وەڵامی خۆی بۆ پێشنیاری ئاگربەست و وەڵامدانەوەی گروپە خۆڕاگرییەکانی فەلەستین پێشکەشی ناوبژیوانانی برا کردووە." لە ڕاگەیەندراوەکەدا هیچ وردەکارییەکی تێدا نەخراوەتەڕوو.
هاوکات کۆشکی سپی ڕایگەیاند، ئەمریکا دەیەوێت "بە زووترین کات" ئاگربەست لە غەززە بگات و ئەسیرەکان ئازاد بکرێن. هەروەها لە بەیاننامەکەدا ئاماژە بەوە کراوە کە ستیڤ ڤیتکۆف نوێنەری تایبەتی ئەمریکا لە ئەوروپا لەگەڵ بەرپرسانی ڕۆژهەڵاتی ناوەڕاست کۆدەبێتەوە بۆ تاوتوێکردنی ڕێککەوتننامەی پێشنیارکراوی ئاگربەست.
بەگوێرەی میدیای ئەمریکی و داگیرکەران، بڕیارە ویتکۆف لەگەڵ بەرپرسانی باڵای ڕۆژهەڵاتی ناوەڕاست لە ئیتاڵیا کۆبوونەوە ئەنجام دەدات.
بە پێی ڕاپۆرتە بڵاوکراوەکان بە پشت بەستن بە سەرچاوەیەیەک کە ناوەکەی ئاشکرا نەکرا، بەناو سەرۆک ئەرکانی گشتیی سەهیۆنییەکان سەبارەت بە بارودۆخی سەربازی لە مەیدانیدا ئاگاداری بنیامین نەتانیاهۆ بەناو سەرۆک وەزیرانی سەهیۆنی کردەوە. ڕاگەیەندرا کە ئەم دۆخە "ناتوانرێت پشتگوێ بخرێت"، هەروەها نەتانیاهۆ دانی بە خواستێکی گشتیدا ناوە بۆ کۆتاییهێنان بە شەڕەکە.
سوپای داگیرکەر لە تشرینی یەکەمی ساڵی ٢٠٢٣ەوە شەڕی جینۆساید لە کەرتی غەززە بەڕێوە دەبات، بە پێی ڕاپۆرتە فەلەستینییەکان و نێودەوڵەتییەکان زیاتر لە ٥٩ هەزار فەلەستینی شەهید بوون و زیاتر لە ١٤٣ هەزار کەسیش بریندار بوون و نزیکەی تەواوی دانیشتوانی غەززە ئاوارە بوون.
لە ماوەی ٢١ مانگی ڕابردوودا دانوستانی ناڕاستەوخۆ لە نێوان رژێمی داگیرکەر و حەماس لە ڕێگەی ناوبژیوانی قەتەر و میسرەوە ئەنجام دراوە.
لەم پرۆسەیەدا دوو ڕێککەوتنی بەشەکی کرا، یەکەمیان لە تشرینی دووەمی ٢٠٢٣ و دووەمیان لە مانگی یەکی ساڵی ٢٠٢٥، بەڵام نەتانیاهۆ خۆی لە جێبەجێکردنی ڕێککەوتنی کۆتایی بەدوور گرت و لە ١٨ی ئازاردا دووبارە شەڕی جینۆسایدی غەززەی دەستپێکردەوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٩ هەزار و ٦٧٦ کەس و ژمارەی بریندارەکانیش گەشتە ١٤٣ هەزار و ٩٦٥ کەس.
کازم غەریب ئابادی، جێگری وەزیری دەرەوەی ئێران لە لاپەڕەی تایبەتی خۆی سەبارەت بە دانوستان لەگەڵ ٣ وڵاتی ئەوروپی لە ئیستانبوول وتی، "ڕێکەوتن کرا بەردەوام بین."
نەتەوە یەکگرتووەکان ڕایگەیاند، "زیاتر لە ١ ملیۆن منداڵ لە غەززە باجی قووڵبوونەوەی برسێتی و بەدخۆراکی دەدەن."
تەیسیر سلێمان بەرپرسی بزووتنەوەی حەماس کاردانەوەی بەرامبەر ئەو کەسانە دەربڕی کە بزووتنەوە و بەرخۆدان بە هۆکاری کوژراوەکانی غەززە دەزانن و وتی، "ئەگەر بەرخۆدان تەسلیم بێت لەوانەیە بتوانن خواردن بخۆن، بەڵام سەریان دەبڕدرێت! ئامانجی ئیسرائیل ئەوەیە: ئەگەر ناتوانی بەرخۆدان تێکبدەیت، گەلەکەیان بکوژن. لەڕێگەی برسێتی و گەمارۆوە بیهێننە سەر ئەژنۆیان."
