13 oC 
Güneşli
سەرچاوەیەکی باڵای ئەمنی لە بەرخۆدانی فەلەستین ڕایگەیاند کە لیستی ڕەشی "چەکدار و باندە ڕێکخراوەکان و هاوکارانی داگیرکەر" لە غەززە دەستیاندایە و جەختی لەوە کردەوە کە ئەو کەسانە دادگایی دەکرێن.
سەرچاوەیەکی ئەمنیی بەرخۆدان بە کەناڵی ئەلجەزیرەی ڕاگەیاند کە ئەم لیستە ڕەشە لەگەڵ خەڵکدا هاوبەش دەکرێت، ئەوانەی لە لیستەکەدان چاودێری دەکرێن و کاتێک هەلومەرجی گونجاو هاتە ئاراوە، لە دادگای شۆڕشدا دادگایی دەکرێن.
سەرچاوەکە هەروەها وتی، "ئەگەر ئەو کەسانە نەگەڕێنەوە ناو گەلەکەیان و پەشیمان نەبن لە تاوانەکانیان، هیچ چارەیەکمان نییە جگە لە بڵاوکردنەوەی لیستەکە."
سەرکردەی بەرخۆدان ڕایگەیاند کە "ئەو گومانلێکراوانە پشت بە دوژمن دەبەستن، و ئێمە هۆشداری بە گومانلێکراوەکان دەدەین: درەنگ یان زوو ڕووبەڕووی دادپەروەری و شمشێری بەرخۆدان دەبنەوە."
سەرەتای ئەم مانگە، بەرپرسێکی ئەمنی لە بزووتنەوەی خۆڕاگری ئیسلامی حەماس ڕایگەیاندبوو، کەمپەکانی هاوکاری لە غەززە بۆ ڕاکێشان و چاوپێکەوتن لەگەڵ ئەو بریکارانە بەکاردەهێنرێن کە هاوکاری داگیرکەری دەکەن، هاوکات مادەی هۆشبەر بۆ ڕاکێشانی گەنجان و بەستنەوەیان بۆ مەبەستی هەواڵگری و ڕاسپێردراویان بۆ ڕۆڵی سیخوڕی بەکاردەهێنرێت.
دادگای شۆڕش، دادگای سەربازیی سەر بە وەزارەتی ناوخۆی غەززە، کاتێکی داوە بە یاسر ئەبو شەباب کە تۆمەتبارە بە سەرکردایەتیکردنی میلیشیایەک لە باشووری غەززە، تا خۆی ڕادەستی دەسەڵاتداران بکات و دادگایی بکرێت.
دادگاکە ئاماژەی بەوەدا کە ئەو بڕیارە بەپێی ماددەی ١٦ی یاسای سزادانی فەلەستینی ساڵی ١٩٦٠ و ڕێکاری دادگاییکردنی شۆڕشگێڕانەی ساڵی ١٩٧٩ دراوە و ئاماژەی بەوە کردووە کە ئەگەر ئەبو شەباب خۆی ڕادەست نەکات ئەوا لە غیابی خۆیدا وەک کەسێکی هەڵهاتوو لە دادپەروەری دادگایی دەکرێت. دادگا داوای کرد هەرکەسێک شوێنی ئەبو شەبابی بزانێت ڕاپۆرتی بداتە دەسەڵاتداران؛ ئەگەرنا بە هەڵاتوو لە دادپەروەری دادەنرێت.
ئەبو شەباب بە تۆمەتی بازرگانیکردن بە ماددە هۆشبەرەکان لە زیندان بوو تا ئەو کاتەی هێرشەکانی سەر غەززە لە ٧ی تشرینی یەکەمی ٢٠٢٣ دەستیپێکرد.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئییل زەمیر بەناو سەرۆک ئەرکانی گشتی رژێمی سەهیۆنی، دانی بەوەدانا کە شەڕی غەززە یەکێک لە ئاڵۆزترین شەڕەکانی سوپای داگیرکەر بوو.
کەتائیبی قەسام لقی سەربازی بزووتنەوەی حەماس ڕایگەیاند، لە باشووری ڕۆژهەڵاتی دەیر بەلاح زرێپۆشێکی سەربازیی سەر بە هێزەکانی داگیرکەریان بە مووشەکی یاسین ١٠٥ کردۆتە ئامانج. لە هەمان ناوچە شەڕی توند بەردەوامە.
ئاژانسی هاوکاری بۆ پەنابەرانی فەلەستینی سەر نەتەوە یەکگرتووەکان (ئونروا) راگەیاند، لە مانگی ئایارەوە لە غەززە هەزار کەس لە کاتی گەڕان بە دوای هاوکاری خۆراک بەهۆی برسێتی گیانیان لەدەستداوە.
شێخ حەسەن بن عەلی کەتانی سەرۆکی یەکێتی زانایانی مەغریب لەبارەی راگەیەندراوی ئەبو عوبەیدە وتەبێژی کەتائیبی قەسام وتی، "ئەم راگەیەندراوە دڵەکەمانی پارچە پارچە کرد. جارێکی دیکە وەبیری هێنایەوە کە ستەم و تەنها لە غەززە لە چ ئاستێکدایە."
