خولی ٥ـەم دانونستانەکانی ناڕاستەخۆی نێوان ئێران و ئەمریکا لە ڕۆمای پایتەخی ئیتالیا دەستیپێکرد.

خولی ٥ـەم دانونستانەکانی ناڕاستەخۆی نێوان ئێران و ئەمریکا بە ناوبژوانی عومان لە ڕۆمای پایتەخی ئیتالیا دەستیپێکرد.

عەباس عێراقچی وەزیری دەرەوەی سەرۆکایەتی شاندی ئێران و ستیڤ ویتکۆف سەرۆکایەتی شاندی ئەمریکا دەکات.

دوایین خولی دانونستانەکانی نێوان هەردوولا لە ١١ی ئایار لە عومان بەڕێوەچوو، بەگوێرەی هەواڵی میدیاکانی ئیتاڵیا، لەو کاتەوە تا ئێستا گرژی لەنێوان ئێران و ئەمریکا لەسەر پیتاندنی یۆرانیۆم دروستبووە.

باس لەوە کرا کە ئیدارەی ترامپ هەوڵی داوە هەموو چالاکییەکانی پیتاندنی یۆرانیۆم لە لایەن ئێرانەوە رابگرێت، بەڵام تاران چەمکی "پیتاندنی سفر"ی ڕەتکردووەتەوە و داوای هەڵگرتنی سزا ئابوورییەکانی کردووە.

ئەنتۆنیۆ تاجانی وەزیری دەرەوەی ئیتاڵیا بە ڕۆژنامەنووسانی راگەیاندووە، حکومەتی ئیتاڵیا "بە تەواوی پشتگیری لەم هەوڵانەی نێوەندگیری دەکات" بەڵام "بە دڵنیاییەوە ئەمە دانوستانێکی ئاسان نییە".(İLKHA)