هێرشی سەهیۆنی لە ڕامەڵڵا و جەنین: ژنێکی بەساڵاچوو و منداڵێک شەهید بوون
13 oC
13 oC
Güneşli
13 oC
Güneşli
داگیرکەرانی سەهیۆنی لە میانەی هەڵمەتەکانی سەر شارەکانی ڕامەڵڵا و جەنین لە کەناری ڕۆژئاوا، ژنێکی بەساڵاچوو و منداڵێکیان شەهید کرد. سەرچاوە ناوخۆییەکان باس لەوە دەکەن کە ئەو ژنە بەساڵاچووە لە کاتی هەڵکوتانە سەر ماڵەکەیدا لێی دراوە و گیانی لەدەست داوە، منداڵەکەش تەقەی لێ کراوە.
توندوتیژی داگیرکەران لە کەناری ڕۆژئاوا جارێکی دیکە خەڵکی مەدەنی کردە ئامانج. سەرلەبەیانی ئەمڕۆ، سەربازانی سەهیۆنی هەڵیانکوتایە سەر ماڵێک لە شارۆچکەی مەزرعە ئەلغەربییە لە باکووری ڕۆژئاوای ڕامەڵڵا و هێرشیان کردە سەر ئەندامانی بنەماڵەکەیان و لە ئەنجامدا ژنێکی بەساڵاچوو گیانی لەدەست دا.
سەرچاوە خۆجێییەکان باسیان لەوە کردووە، کە هێزەکانی داگیرکەر هەڵیانکوتایە سەر ماڵەکەی و نەوەکەی بە دیل بردووە، هێرشی کردووە سەر ئافرەتەکە تەمەن ٧٠ ساڵەیە بە ناوی هانیە حەنون (ئوم ئیمەد) و لە شوێنی ڕووداوەکە شەهید بووە.
لەلایەکی دیکەوە، مێرمنداڵێکی تەمەن ١٧ ساڵانی فەلەستینی لە کاتی هەڵکوتانە سەر شارۆچکەی یامۆن لە ڕۆژئاوای جەنین بە تەقەی سەربازانی سەهیۆنی شەهید بوو. شایەتحاڵەکان دەڵێن، سەربازەکە چوار گولڵەی لە مێردمنداڵەکە داوە و دواتر دەستگیری کردووە لەکاتێکدا بە سەختی بریندار بووە، و ڕێگری لەوە کردووە کە بگوازرێتەوە بۆ نەخۆشخانە.
شایەتحاڵەکان رووداوەکەیان بە "لەسێدارەدانێکی بە ئەنقەست" وەسف کردووە و ئاماژەیان بەوە کردووە کە ئەمە بەشێک بووە لە هەڵمەتێکی سیستماتیکی بەردەوام و هەڵمەتی تیرۆرکردن لە جەنین.
لە چەند هەفتەی ڕابردوودا، هێرشە دووبارەکان لە کەناری ڕۆژئاوا، بەتایبەتی لە جەنین و شارۆچکەکانی دەوروبەری، بووەتە رووداوێکی ڕۆژانە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بزووتنەوەی انصارالله-ی یەمەن بە توندی ناڕەزایەتی دەربڕی لە بەرامبەر هێرشەکانی رژێمی داگیرکەر بۆ سەر لوبنان و ڕاگەیاند کە لەگەڵ خەڵک و بەرخۆدانی لوبنان دەوەستن.
موئەیەد شەعبان، سەرۆکی دەستەی بەرەنگاربوونەوەی دیوار و نیشتەجێکردن لە کەناری ڕۆژئاوا، ڕایگەیاند کە لە سەرەتای وەرزی چنینەوەی زەیتوون لە یەکەم هەفتەی مانگی تشرینی یەکەمەوە تا ئێستا، کۆی گشتی ٣٤٠ هێرش لەلایەن سوپای داگیرکەر و نیشتەجێبووە جوولەکەکانەوە دژی فەلەستینییەکان تۆمار کراوە.
لیژنەی نیشتمانیی کاروباری ونبووان لە جەنگی کۆمەڵکوژیی غەززە ڕایگەیاند کە زیاتر لە ١٠ هەزار شەهید هێشتا لەژێر داروپەردووەکاندا ماونەتەوە و تا ئێستا دەرفەتی دەرهێنان و ناسینەوەی تەرمەکانیان نەڕەخساوە.
بزووتنەوەی حەماس لە بەیاننامەیەکی ڕۆژنامەوانیدا، ئامادەبوونی بەناو وەزیری توندڕەوی ئاسایشی ناوخۆی رژێمی داگیرکەر ئیتمار بن گڤیر، لە ناوچەی نەقەب و هەنگاوی تاکەکەسیی ئەو بۆ گەیاندنی فەرمانی ڕووخاندن و چۆڵکردن بە خێزانە بەدەوییەکانی ناوچەکە، بە "بەرجەستەبوونی ئاشکرای تیرۆری ڕێکخراو و ستەمکارانە" وەسف کرد.
