13 oC 
Güneşli
لەگەڵ جێبەجێکردنی ئاگربەست لە کەرتی غەززە، هەزاران کەس لە ئاوارە فەلەستینییەکان کە بۆ ماوەی چەندین مانگ بوو بۆ ناوچەکانی باشوور گواسترابوونەوە، دەستیان بە گەڕانەوە کرد بۆ ماڵەکانیان لە شاری غەززە و ناوچەکانی باکوور.
بەگوێرەی ڕاپۆرتی ناوەندی ڕاگەیاندنی فەلەستین، چەند خولەکێک دوای دەستپێکردنی جێبەجێکردنی ڕێککەوتنی ئاگربەست، ژمارەیەک لە ئاوارەکان بەرەو شاری غەززە گەڕانەوە. هاوکات، شەقامە سەرەکییەکان، لەوانە "ئەلڕەشید" و "سەلاحەدین" کە بە میحوەرە سەرەکییەکانی پەیوەندیی نێوان باکوور و باشووری کەرتی غەززە دادەنرێن، کرانەوە بۆ ئەوەی ڕێگەی گەڕانەوەی خەڵک ئاسان بکرێت.
سەرچاوە مەیدانییەکان ڕایانگەیاندووە کە لێشاوی ئاوارەکان لە کەمپەکان و پەناگە کاتییەکان لە ناوچەکانی باشوورەوە بەرەو باکوور لە جووڵەدان.
سوپای رژێمی سەهیۆنی بە فەرمی کشانەوەی تەواوی هێزەکانی لە ناوچە دیاریکراوەکانی کەرتی غەززە ڕاگەیاند، بەپێی قۆناغی یەکەمی ڕێککەوتنی ئاگربەست، و بە فەرمی دەستپێکردنی جێبەجێکردنی ئاگربەستەکەی ڕاگەیاند.
ڕادیۆی سوپای رژێمی سەهیۆنیش ڕایگەیاند کە بەپێی ئەمە، ئاڵوگۆڕی دیلەکان نیوەڕۆی ڕۆژی دووشەممە ئەنجام دەدرێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
هەوڵە دیپلۆماتییەکان بۆ کۆتایی هێنان بە شەڕی رووسیا-ئۆکراینا بەردەوامە و شاندەکانی ئۆکراینا و ئەمریکا بۆ گفتوگۆ لەبارەی پلانی ئاشتی کۆتایی ئەم هەفتەیە کۆدەبنەوە.
رژێمی داگیرکەری سەهیۆنی ڕێککەوتنی ئاگربەست پێشێل دەکات و ڕێگە بە تەنها گەشتنی ٣٥ لەسەدی هاوکارییەکان بۆ ناو کەرتی غەززە کردووە.
دۆنالد ترەمپ، سەرۆکی ویلایەتە یەکگرتووەکانی ئەمریکا، گرژییەکی نوێی دیپلۆماسی بەدوای خۆیدا هێنا، لە پەیوەندییەکی کۆنفڕانسی "جەژنی سوپاسگوزاری"دا ڕایگەیاند، ئۆپەراسیۆنەکانی دژی ڤەنزوێلا ڕەنگە سەربازی زەمینی تێیدا بەشدار بن.
لە دوورگەی سوماترا لە ئەندەنوسیا ژمارەی ئەو کەسانەی بەهۆی لافاو و زەوی لەرزین بەهۆی بارانبارینی بەخوڕ گیانیان لەدەستداوە بۆ ١٧٤ کەس.
