پەیامی جەماعەتی حزب الله بۆ شەهادەتی بەرپرسانی حکومەتی یەمەن
13 oC
13 oC
Güneşli
13 oC
Güneşli
جەماعەتی حزب الله-ی باکووری کوردستان و تورکیا بە هۆی شەهادەتی وەزیرانی حکومەتی یەمەن لە ئەنجامی هێرشێکی رژێمی داگیرکەر پەیامێکی بڵاو کردەوە.
جەماعەتی حزب الله-ی باکووری کوردستان و تورکیا بەهۆی شەهادەتی ئەحمەد رەهەوی سەرۆک وەزیرانی حکومەتی یەمەن و چەند وەزیرێک لە ئەنجامی هێرشەکانی رژێمی داگیرکەری سەهیۆنی بۆ سەر یەمەن پەیامێکی بڵاو کردەوە.
تەواوی دەقی پەیامی جەماعەتی حزب الله:
"بسم الله الرحمن الرحیم
إنا لله و إنا إلیه راجعون
'جگە لەوانەیان کە باوەڕیان هێناوە و کردەوە چاکەکانیان ئەنجام داوە و یادی خودایان زۆر کردووە، پشتیوانییان کردووە لەو ئیماندارانەی کە ستەمیان لێ کراوە، سەرئەنجامی ئەوانەی ستەمیان کردووە دەزانن کە بە چۆ تێکشکاوییەک دەگەڕێنەوە بۆ لای خودا و چۆن ژێرەوژوور دەبن و تیا دەچن.'
پیرۆزبایی شەهادەتی ئەحمەد غالب رەوهەوی و هاوڕێکانی دەکەین کە لە ئەنجامی هێرشی ئیسرائیلی سەهیۆنی بۆ سەر یەمەن شەهید بوون و داوای چارەسەری بەخێر بۆ بریندارەکان دەکەین. پرسە و سەرەخۆشی خۆمان پێشکەشی بزووتنەوەی انصارالله و ئەندامانی بزووتنەوەکە دەکەین. هیوادارین پەروەردگارمان شەهیدەکان لە بەهشتی فیردەوس نیشتەجێ بکات و پلەیان بەرز بکاتەوە.
کردەوەی خوشک و برا مسوڵمانەکانمان کە لە یەکەم ڕۆژی تۆفانی ئەقساوە چالاکانە پاڵپشتی بەرگری لە غەززە و قودس و مزگەوتی ئەقسایان کردووە و بە مووشەکەکانیان ترسیان لە دڵی رژێمی چەوتی سەهیۆنی ئیسرائیلدا چاندووە، بەفیڕۆ ناچێت.
ان شاء اللە خوێنی پاکی هەر شەهیدێک کە لە پێناوی ئەقسادا ڕژاوە، دەبێتە هۆی ڕووخانی رژێمی خیانەتکاری سەهیۆنی و پارێزوانەکەی شەیتانی گەورە، ئەمریکا."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
هێزەکانی رژێمی داگیرکەری سەهیۆنی ناوچەکانی چۆڵکراو لە گوندەواری قونەیترەی سوریا بۆردومان کرد و دواتر چونەتە ناو گوندەکە و لە ناو خانوو گەڕانیان ئەنجام دا. حکومەتی سوریا ئیدانەی هێرشەکەی کرد وەک پێشێلکردنی یاسا نێودەوڵەتییەکان وەسف کرد.
لە ئەنجامی تەقینەوەیەک لە باشووری ڕۆژئاوای پاکستان ١٣ کەس گیانیان لەدەستدا و ٣١ کەسیش بریندار بوون.
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٦ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٣٦٧ کەس کە ١٠یان منداڵن.
دکتۆر محەمەد ئەبو سەلمییە، بەڕێوەبەری کۆمەڵگەی پزیشکی شیفا ڕایگەیاند، دۆخی تەندروستی و مرۆیی لە غەززە گەیشتووەتە ئاستێکی مەترسیدار و داوای دەستوەردانی بەپەلەی کۆمەڵگەی نێودەوڵەتی کرد.
