رژێمی داگیرکەری سەهیۆنی هەموو هەوڵێک دەدات بۆ ڕێگریکردن لە دۆزینەوەی تەرمی ئەسیرە داگیرکەران کە بە پێی ڕێککەوتنی ئاگربەست دەبێت ڕادەست بکرێت.

بەرپرسێکی باڵای حەماس لە لێدوانێک بۆ ئەلجەزیرە ڕاگەیاند، رژێمی داگیرکەر ڕێگری لە تیمەکانی خاچی سوور و بەرخۆدان دەکات کە بچنە ڕۆژهەڵاتی شاری غەززە بۆ دۆزینەوەی تەرمی ئەسیرە داگیرکەرەکان.

لە ڕاگەیەندراوەکە هاتووە، "رژێمی داگیرکەر بۆ ڕێگریکردن لە چالاکییەکانی گەڕان بە ئەنقەسد بەربەست دادەنێت، هەروەها ئیدعاکانی کە بەرخۆدان بەئەنقەسد هێواش دەجوڵێتەوە درۆن. لایەنی داگیرکەر بۆ جێبەجێکردنی پلانەکانی هێرش درۆدزنی لەبارەی تەرمەکان دەکات. بانگێشتی نێوەندگیران دەکەین کە ئەرکەکەیان جێبەجێ بکەن."(İLKHA)