رژێمی داگیرکەر هێرشی کردە سەر باشووری لوبنان: شەهیدێک
13 oC
13 oC
Güneşli
13 oC
Güneşli
لە ئەنجامی هێرشی رژێمی داگیرکەر بۆ سەر ماتۆرسیکلێتێک لە باشووری لوبنان کەسێک شەهید بوو.
لە کاتەکانی بەیانی رژێمی داگیرکەر هێرشی کردە سەر ماتۆرسیکلێتێک لە شارۆچکەی عەین قەنا لە باشووری لوبنان. لە ئەنجامی هێرشەکەدا عیسا کەربەلائی هاوڵاتی لوبنان شەهید بوو.
میدیای لوبنان ڕاگەیاند کە هێرشەکە لە سەر ڕێگای کۆنی جیبانە لە عەین قەنا ئەنجام دراوە و لە ئەنجامی هێرشەکەدا کەربەلائی لە شوێنی رووداوەکە گیانی لەدەستداوە.
سوپای داگیرکەر هەموو ڕۆژێک بە بەهانەی بوونی حزب الله لە ناوچەکە هێرش دەکاتە سەر ناوچەکە.
رژێمی داگیرکەر لە ئۆکتۆبەری ٢٠٢٣ دەستی بە هێرش سەر لوبنان کرد و لە ئەیلوولی ٢٠٢٤ هێرشەکە گۆڕا بە شەڕی ڕاستەوخۆ. لە ئەنجامی هێرشەکاندا زیاتر لە ٤ هەزار کەس شەهید بوون و نزیکەی ١٧ هەزار کەسیش بریندار بوون. لە مانگی ئۆکتۆبەری ٢٠٢٤ ئاگربەست ڕاگەیەندرا بەڵام رژێمی داگیرکەر هەزاران جار ئاگربەستی پێشێل کردووە و هێرشی کردووە سەر لوبنان و سەدان کەسی شەهید و بریندار کردووە.
هەروەها سوپای داگیرکەر لە ٥ ناوچەی کە دەبوا بکشێتەوە نەکشایەوە و بەردەوامە لە داگیرکردنی ئەو ناوچەیانە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٦٨ هەزار و ٢٨٠ کەس و ژمارەی بریندارەکانیش گەشتە ١٧٠ هەزار و ٣٧٥ کەس.
یونس ئەمیرئۆغلو وتەبێژی هودا پار سەبارەت بە چەند بابەتێکی گرنگی ڕۆژەڤی ناوخۆ و دەرەوە ڕاگەیەندراوێکی بڵاو کردەوە.
وەقفی یەتیمەکان بۆ پشتیوانی لە خەڵکی غەززە کە هەوڵی گوزەرانی ژیان لە ژێر هیرشەکانی رژێمی داگیرکەر دەدەن ڕۆژانە ژەمە گەرمەکان لە ناوچەکەدا دابەش دەکات لە چوارچێوەی پڕۆژەی "هەموو ڕۆژێک سفرەیەک."
لە کاتژمێرەکانی بەرەبەیانی هێزەکانی سوپای رژێمی داگیرکەری سەهیۆنی زنجیرەیەک هێرشیان کردە سەر ناوچە جیاجیاکانی کەناری ڕۆژئاوا، لە وانە قودس، نابلوس، جەنین، توباس، ئەلخەلیل و ڕامەڵڵا، کە بووە هۆی پێکدادان و برینداربوون و دەستگیرکردنی ژمارەیەک فەلەستینی.
