بەپێی ڕاپۆرتی کەناڵی تەلەڤیزیۆنی "العربی"، مەروان بەرغوسی، سەرکردەی ئەسیری فەلەستینی، لە کاتی گواستنەوەی لە زیندانی “ڕیمۆن”ەوە بۆ زیندانی "مەجدۆ" لە ناوەڕاستی مانگی ئەیلوولدا، ڕووبەڕووی لێدانێکی توند بووەتەوە.

کەناڵەکە لە زاری چەند سەرچاوەیەکەوە بڵاوی کردەوە کە لەم هێرشەدا، ئەندامانی یەکەی سەهیۆنیی "نەحشۆن"یش بەشدارییان کردووە و لە ئەنجامدا، بەرغوسی لە هۆش خۆی چووە و چوار پەراسووی شکاون.

عەبدوڵڵا زەغاری، سەرۆکی یانەی ئەسیرانی فەلەستینیش ڕایگەیاند کە بەرغوسی لە سەرەتای شەڕی دژ بە غەززەوە تا ئێستا، ڕووبەڕووی هێرشی بەردەوام بووەتەوە.

ئەم رووداوە جارێکی دیکە نیگەرانییەکانی سەبارەت بە بارودۆخی نامرۆیی و ئەمنیی ئەسیرە فەلەستینییەکان لە زیندانەکانی رژێمی سەهیۆنیدا، بەتایبەتی سەرکردە ئەسیرەکان، زیاد کردووەتەوە.(İLKHA)