کەشتیی حەنزەلە بەرەو غەززە دەچێت
13 oC
13 oC
Güneşli
13 oC
Güneşli
کەشتی ئازادی حەنزەلە کە بۆ هاوکاری بۆ غەززە بەڕێوە کەوتووە بەرەو غەززە دەچێت.
بەپێی زانیارییەکانی هاوپەیمانی فلۆتیلای ئازادی، کەشتیی حەنزەلە لەو خاڵە نزیک بووەتەوە کە پێشتر داگیرکەرانی سەهیۆنی هێرشیان کردبووە سەر کەشتیی مادلین کە بۆ هەمان مەبەست بەڕێکەوتبوو.
کەشتیی مادلین لە ١ی حوزەیران لە بەندەری سان جیۆڤانی لی کوتی لە کاتانیای ئیتاڵیا بەرەو غەززە بەڕێکەوتبوو، ئەمەش لە چوارچێوەی دوایین ئەرکی هاوپەیمانی فلۆتیلای ئازادی ڕێکخراوی ناحکومی بۆ شکاندنی گەمارۆی سەر غەززە و هێنانی هاوکاری بۆ ناوچەکە.
سوپای داگیرکەر لە کاتژمێرەکانی سەرەتای ٩ی حوزەیران هێرشی کردە سەر کەشتیی مادلین کە ئامانجی شکاندنی گەمارۆی غەززە بوو و ١٢ خۆبەخشی دەستبەسەر کرد کە لە نێویاندا ڕیما حەسەن پەڕلەمانتاری فەرەنسی لە پەرلەمانی ئەوروپا هەبوو.
چوار لەو خۆبەخشانە بەرەبەیانی ١٠ی حوزەیران لە وڵات دیپۆرتکرانەوە.
هاوپەیمانی فلۆتیلای ئازادی لە ١٦ی حوزەیران ڕایگەیاند کە سەرجەم داکۆکیکارانی دیکەی مافی مرۆڤ ئازادکراون.
کەشتیی حەنزەلە لە ١٣ی تەمموز لە بەندەری سیراکیوز لە ئیتاڵیا بەڕێکەوت، بەڵام ئامادەکارییەکانی کۆتایی لە بەندەری گالیپۆلی لە ١٥ تا ٢٠ی تەمموز تەواو کرد بۆ دابینکردنی هەندێک پێداویستی تەکنیکی، و لە ٢٠ی تەمموزدا بەڕێکەوت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٩ هەزار و ٩٢١ کەس و ژمارەی بریندارەکانیش گەشتە ١٤٥ هەزار و ٢٣٣ کەس.
لە ئەنجامی هێرشێکی چەکداری لە بانکۆکی پایتەختی تایلەند لانیکەم ٦ کەس کوژران.
قەیرانی مرۆیی لە غەززە ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ١٤ کەسی دیکە بەهۆی برسێتی و بەدخۆراکی شەهید بوون.
بزووتنەوەی انصارالله ڕایگەیاند کە ئەگەر کۆمەڵکوژییەکەی لە غەززە بەردەوام بێت، کەشتیی هەموو ئەو کۆمپانیایانە کە لەگەڵ بەندەرەکانی رژێمی داگیرکەر کاردەکەن دەکرێنە ئامانج لە هەر شوێنێکی جیهان.
