13 oC 
Güneşli
بزووتنەوەی انصارالله ڕایگەیاند کە ئەگەر کۆمەڵکوژییەکەی لە غەززە بەردەوام بێت، کەشتیی هەموو ئەو کۆمپانیایانە کە لەگەڵ بەندەرەکانی رژێمی داگیرکەر کاردەکەن دەکرێنە ئامانج لە هەر شوێنێکی جیهان.
بزووتنەوەی انصارالله-ی یەمەن لە کاردانەوە بە بەردەوامی جینۆسایدی رژێمی سەهیۆنی لە غەززە بڕیاری دا ئۆپڕاسیۆنی دەریایی بەرفراوان دەستپێبکات. یەحیا سەریع، وتەبێژی سەربازیی بزووتنەوەکە لە وتارێکی تەلەفزیۆنیدا ڕایگەیاند کە "قۆناغی چوارەمی گەمارۆدان" دەستیپێکردووە. بە پێی ئەم بڕیارە، هەموو ئەو کەشتیانەی لە بەندەرەکانی رژێمی داگیرکەردا کار دەکەن، دەکرێنە ئامانج، لە هەر شوێنێک بن.
یەحیا سەریع، لەم چوارچێوەیەدا، ڕایگەیاندووە، "کەشتییەک، گرنگ نییە سەر بە چ کۆمپانیایەک بێت، گرنگ نییە چ نەتەوەیەک بێت، و گرنگ نییە بۆ کوێ بچێت، دەکرێتە ئامانج ئەگەر چاوپۆشی لە هۆشدارییەکانمان بکات. لە کاتی بڵاوکردنەوەی ئەم بڕیارە، هەموو هاتوچۆی دەریایی ئەو کۆمپانیایانە کە لەگەڵ دوژمن کاردەکەن، لە مەترسیدایە".
ناوبراو جەختی کرد کە ئەگەر هەموو وڵاتانی جیهان کار بۆ ڕاگرتنی ڕژێمی داگیرکەر بکەن، چیتر ململانێ ڕوونادات و زیادی کرد، "وەک خەڵکی یەمەن بەرپرسیارێتی ئایینی و ئەخلاقی خۆمان لە بەرامبەر جینۆساید لە غەززە لە شان دەگرین."
هەروەها عەبدولمەلیک حوسی سەرۆکی انصارالله لە دوایین وتارەکەیدا وتی، "ئێمە لە هەموو ڕوویەکەوە و لە هەموو بوارێکدا بەردەوام دەبین لە پشتیوانیکردنمان بۆ فەلەستین و بژاردە سەربازییەکانمان فراوانتر و فراوانتر دەکەین."
ئەلحوسی ڕایگەیاند کە لە ڕووی پاڵپشتی کردن لە غەززە، تا ئێستا هەزار و ٦٧٩ مووشەک و فڕۆکەی بێفڕۆکەوان و ئۆتۆمبێلی دەریایی هەڵدراون. لەبەرامبەردا یەمەن ٢ هەزار و ٨٤٣ هێرشی ئاسمانی و دەریایی بەرکەوتووە.
ڕێبەری انصارالله ڕایگەیاند کە بەندەری ئوم رەشرەش بە تەواوی داخراوە و ئەم دۆخەش زیانی گەورەی بە ئابووری رژێمی داگیرکەر گەیاندووە.
بەگوێرەی راگەیەندراوەکەی انصارالله، سەرجەم هاتوچۆی دەریایی دەکرێنە ئامانج تا ئەوکاتەی کۆمەڵکوژی و هێرشەکان بۆ سەر غەززە کۆتاییان دێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
عەقید نیدال ئەبوزەید، شارەزای سەربازی، وتی: هەوڵدان بۆ چوونە ناو خاڵی بەهێز کە تیپی کفیر لێیە لە باشووری غەززە، ئەوە نیشان دەدات کە بەرخۆدانی فەلەستین دەستی کردووە بە ئامانجگرتنی ڕاستەوخۆی فەرماندەکانی ڕژێمی سەهیۆنی.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٠ هەزار و ٣٤ کەس و ژمارەی بریندارەکانیش گەشتە ١٤٥ هەزار و ٨٧٠ کەس.
چالاکوانانی کەشتیی حەنزەلە کە لە لایەن داگیرکەرانی سەهیۆنی لە سەرانسەری جیهان دەستی بەسەردا گیرا، دەستیان بە مانگرتن لە خواردن کردووە و ڕایانگەیاندووە، "بەهیچ شێوەیەک لە سوپایەک خەلکی فەلەسیتن برسی دەهێلێت خۆراک وەرناگرن."
حەماس بانگێشتی تەواوی گەلانی جیهان کرد کە لە ١-٣ی ئاب لە دژی رژێمی داگیرکەری سەهیۆنی چالاکییەکان پشتیوانی لە بەرخۆدان ڕێکبخەن.
