13 oC 
Güneşli
لە هێرشەکانی رژێمی سەهیۆنی بۆ سەر خاڵەکانی دابەشکردنی یارمەتییەکان لە غەززە، ئەمڕۆ لە ناوچەی ڕێڕەوی نەتزەریم ١٦ فەلەستینی شەهید بوون و زیاتر لە ١٠٠ کەسیش بریندار بوون.
هێرشەکانی سوپای داگیرکەر بۆ سەر هاوڵاتیانی مەدەنی کە چاوەڕێی هاوکارین لە کەرتی غەززە بەردەوامە. لەو هێرشەدا کە ئەمڕۆ لە خاڵی فریاگوزاری لە نزیک ڕێڕەوی نەتزەریم ئەنجامدرا، ١٦ فەلەستینی شەهید بوون و زیاتر لە ١٠٠ کەسیش بریندار بوون. باری تەندروستی بەشێک لە بریندارەکان سەختە.
لە ئەنجامی هێرشەکانی دوێنێ لانیکەم ٥٠ کەس شەهید بوبوون کە بەشێکی گەورەیان لەکاتی وەرگرتنی هاوکاری مرۆیی کرابوون ئامانج.
بە پێی راگەیەندراوی وەزارەتی تەندروستی غەززە، دوێنێ لە ئەنجامی هێرشەکانی رژێمی داگیرکەری سەهیۆنی ١٤٤ کەس شەهید بوبوون و هەزار و ٢٧٧ کەسیش بریندار بوبوون.
داخستنی دەروازە سنوورییە وشکانییەکانی سوپای داگیرکەر و سنووردارکردنی تێپەڕبوونی ئۆتۆمبێلی هاوکاری، قەیرانی مرۆیی لە غەززە قووڵتر دەکاتەوە. سەرەڕای داواکانی کۆمەڵگەی نێودەوڵەتی بۆ ئاگربەست، هێرشەکان بێ وەستان بەردەوامن.
لە کاتێکدا گروپە فەلەستینییەکان هەوڵەکانی هاوکاری بە پاڵپشتی ئەمریکا و ئیسرائیل بە "تەڵەی مەرگ" وەسف دەکەن، خەڵکی مەدەنیی ناوچەکە لە تێکۆشاندان بۆ مانەوە لە ژێر بارودۆخێکی سەختدا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٧٠ هەزار و ٦٦٧ کەس و ژمارەی بریندارەکانیش گەشتە ١٧١ هەزار و ١٥١ کەس.
بزووتنەوەی خۆڕاگری ئیسلامیی حەماس ڕایگەیاند کە گەلی فەلەستین لە کەرتی غەززە بەدوای دۆخی کەشوهەوای سەخت و لێکەوتەکانی جەنگی جینۆساید، لەگەڵ کارەساتێکی مرۆیی ڕوو لە زیادبوون بەرەوڕوون.
رژێمی داگیرکەر بەرەبەیانی ئەمڕۆ لە ناوچە جیاجیاکانی کەناری ڕۆژئاوا چەندین هەڵمەتی ئەنجام دا. ١٠ کەسیان دەستبەسەر کرد کە یەکێکیان ئەسیرێکی ئازادکراو و یەکێکیان کچێک بوو.
هێزەکانی رژێمی داگیرکەری سەهیۆنی جارێکی دیکە ڕێککەوتنی ئاگربەستی پێشێل کرد و هێرشی کردە سەر چەند ناوچەیەک لە ڕۆژهەڵاتی کەناری غەززە.
