لە وڵاتی نێجیریا بەهۆی بارینی بارانی بەخوڕ لافاو هەڵسا و لە ئەنجامی رووداوەکەدا لانیکەم ١٥٠ کەس گیانیان لەدەستدا.

لە شاری مۆکوای ویلایەتی نیجەری وڵاتی نێجیریا بەهۆی بارینی بارانی بەخوڕ لافاو هەڵسا و لە ئەنجامی رووداوەکەدا لانیکەم ١٥٠ کەس گیانیان لەدەستدا.

ئیبراهیم عەودو حوسەینی وتەبێژی ئاژانسی بەڕێوبەرایەتی باری لەناکاوی ویلایەتەکە راگەیاند، بەهۆی لافاو زیاتر لە ٣ هەزار کەس بێ خانوو ماون و ٢٦٥ خانوو بە گشتی ڕوخاون.

لە ناوچەکە چالاکییەکانی گەڕان بۆ رزگارکردنی بێ سەروشوێنەکان بەردەوامە و مەترسی لە زیاتربوونی ژمارەی قوربانییەکان هەیە.

تیمەکانی هاوکاری و بەڕێوبەرایەتی خۆجێ بەردەوامن لە چالاکییەکانی گەیاندنی هاوکای مرۆیی بە ناوچەکە.(İLKHA)