چین ئەو قسانەی ڕەتکردەوە کە باس لەوە دەکەن دوترێتی سەرۆکی پێشووی فلیپین داوای مافی پەنابەری کردووە.

گوو جیاکۆن وتەبێژی وەزارەتی دەرەوەی چین وەڵامی ئەو هەواڵە میدیاییانەی دایەوە کە بە پشتبەستن بە "سەرچاوە ئاگادارەکان" باس لەوە دەکەن کە ڕۆدریگۆ دوترێتی سەرۆکی پێشووی فلیپین بە فەرمانی دەستگیرکردن لە دادگای تاوانە نێودەوڵەتییەکان داوای مافی پەنابەری لە چین کردووە.

جیاکون ئاماژەی بەوەشکرد، چین هیچ داواکارییەکی پەنابەری لە لایەن ڕۆدریگۆ دوترێتی سەرۆکی پێشووی فلیپین و خێزانەکەیەوە وەرنەگرتووە.

جیاکون وتی، "سەردانەکەی دوترێتی بۆ هۆنگ کۆنگ پشوویەکی تایبەت بوو" ئاماژەی بەوەشکرد، نووسینگەی کۆمیساری کاروباری دەرەوەی هەرێمی کارگێڕی تایبەتی هۆنگ کۆنگ (HKSAR) وەڵامێکی فەرمی بڵاوکردەوە و لایەنە پەیوەندیدارەکانی فلیپینیش لێدوانیان لەسەر ئەو بابەتە داوە.(İLKHA)