سەرکان رامانلی پەرلەمانتاری هودا پار بەشداری لە مەراسیمێکی ئیفتار لە ڕحا کرد لە لایەن حیزبەکەی رێکخرابوو.

مەراسیمی ئیفتار لە ناوچەی خەلیلی شاری ڕحا بە بەشداری ژمارەیەکی نوێنەری دەزگاکانی مەدەنی، نووسەر، ئەندامانی هودا پار بەڕێوەچوو.

رامانلی لە سەرەتای بەرنامەکە وتارێکی پێشکەش کرد و ئاماژەی بەوە کرد کە دەبێت جیهانی ئیسلام ئەو ستەمەی لە غەززە دەکرێت لەبیر نەکات.

رامانلی وتی، "ئەی پەروەردگارم! ئەو نادادپەروەرییانەی لە دڵمان و لە دەرەوەی دڵماندا هەن، ئەو زوڵمەی لە ناو ئێمەدا هەیە، لێمان دوور بخرێتەوە. ئاشتی و برایەتی و هێز و پشتیوانی لە نێوانماندا زیاد بکە. خەم و پەژارەمان ئێستا برینێکی خوێناوییە. فەلەستین تەنها دۆزی ئێمە نییە، یان دۆزی موسڵمانان نییە، دۆزی هەموو مرۆڤایەتییە. لە خوای گەورە داواکارین ڕەمەزان بکاتە ئامرازی ڕزگاربوون بۆ خوشک و براکانمان. هەروەک چۆن ئاواتەخوازین بۆ فەلەستین، ئاواتەخوازین هەموو جیهان ئارامی هەبێت. با شەڕ بوەستێت، با خوێنڕشتن نەبێت. ئەمانە ئەو ڕۆژانەن کە هیوامان بۆ دەگەڕێنێتەوە. با ئامانجمان دادپەروەری و برایەتی و پشتیوانی و ڕەزامەندی خودا بێت. قسەکانمان باش بن، کردارەکانمان باش بن، إن شاء اللە خوای گەورەش چاکەمان پێ ببەخشێت."(İLKHA)