وەزارەتی کشتوکاڵ: ئاوی بەنداوەکان بەشێوەیەکی بەرچاو زیادی کردووە
13 oC
13 oC
Güneşli
13 oC
Güneşli
وەزارەتی کشتوکاڵی هەرێمی کوردستان ڕایگەیاند، بەهۆی کاریگەریی دواین شەپۆلی بارانبارین و لافاو لە ماوەی دوو ڕۆژی ڕابردوودا، داهاتی ئاوی بەنداوەکان بەشێوەیەکی بەرچاو زیادی کردووە.
بەگوێرەی ئامارەکان، تەنیا لە هەردوو بەنداوی دوکان و دەربەندیخان، زیاتر لە ١٠٠ ملیۆن مەتر سێجا ئاو گلدراوەتەوە (خەزن کراوە). لەو ڕێژەیەدا ئاستی ئاوی بەنداوی دەربەندیخان ١.٥مەتر (مەتر و نیوێک) و بەنداوی دوکان ٧٠ سانتیمەتر بەرزبووەتەوە.
سەبارەت بە بەنداو و پۆندە بچووکەکان، لە سنووری پارێزگای سلێمانی و ئیدارەی گەرمیان سەرجەمیان پڕبوون. هاوکات لە سنووری پارێزگای هەولێر یەک بەنداو سەرڕێژی کردووە و ئەوانی دیکەش بڕێکی باش ئاویان تێدا گلدراوەتەوە، لە سنووری دهۆکیش ئاستی ئاوی بەنداوەکان زیادیان کردووە بەڵام بە ڕێژەیەکی کەمتر بەراورد بە ناوچەکانی دیکە.
وەزارەتی کشتوکاڵ ئاماژەی بەوەش داوە، کاریگەریی ئەم شەپۆلە بۆ ڕۆژانی داهاتووش بەردەوام دەبێت و پێشبینی دەکرێت بڕی ئاوی هاتوو بۆ ناو بەنداوە گەورەکان زیاتر بەرز ببێتەوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە هەرێمی کوردستان بەهۆی هەڵسانی لافاو ٢ کەس گیانیان لەدەستدا و کەسێکیش بریندار بوو و کەسێکیش بێ سەروشوێنە.
لە شارۆچکەی پلەمۆری پارێزگای دێرسم بوومەلەرزەیەک بە گوڕی ٤.٢ رووی دا.
فاروق دینچ بەرپرسی سیاسەتی لاوانی هودا پار و پەرلەمانتاری مێرسین لە پانێڵێکدا کە بۆ تیشک خستنە سەر بەرەنگاربوونەوەی ئالوودەبوون بە ماددە هۆشبەرەکان بەڕێوەچوو، توێژینەوەی مەیدانی و پێشنیاری چارەسەری پێشکەش کرد.
