Rejîma îşxalker  îro serê sibê bi ser gelek deverên Şerîaya Rojava de girt û gelek kes desteser kir.

Hat ragihandin ku leşkerên rejîma îşxalker di serdegirtinan de êrîşî Filistîniyan kirine û ew bi neheqî muamele kirine.

Li gorî çavkaniyên herêmî, rejîma îşxalker îro danê sibê êrîşî bajarên El-Bireh û Tulkerem kir û gelek kes desteser kir.

Li gorî agahiyan, rejîma îşxalker êrîşî Kampa El-Farîya ya li başûrê Tubasê û bajarokê Tamunê kiriye, li malan lêgerîn kiriye lê ti kes nehatiye desteserkirin.

Her wiha hat ragihandin ku rejima îşxalker bi gelek wesayîtên leşkerî êrîşî Erîha û Kampa Akabetu Caber a li başûr kiriye, leşkerên îşxalker li gelek kolanan, di nav de Kolana Emman û Kolana El-Mightas, geriyane, di dema serdegirtinan de gaza rondikrêj hatiye bikaranîn û ti kes nemiriye û ne jî birîndar bûye.

Rejîma îşxalker rojane li deverên cûda yên Şerîaya Rojava serdegirtinan dike, gelek kesan digire û malan lêdigerîne.

Rejîma îşxalker ku bi gelemperî di derengiya şevê de an jî di serê sibê de dema ku mirov di xew de ne, êrîşî malan dike, bi hinceta lêgerîna malên wan, niştecihan ditirsîne û zirarê dide eşyayên wan. (ÎLKHA)