وەقفی یەتیمەکان لە کینیا نەشتەرگەری ئاوی سپی چاو ئەنجام دەدات
13 oC
13 oC
Güneşli
13 oC
Güneşli
وەقفی خێرخوازی یەتیمەکان لە ئەنجامی چالاکییەکانی خێرخوازی لە وڵاتی کینیا نەشتەرگەری ئاوی سپی چاو ئەنجام دایەوە.
وەقفی خێرخوازی یەتیمەکان لە ئەنجامی چالاکییەکانی خێرخوازی بە پشتیوانی خێرخوازەکان لە وڵاتی کینیا پڕۆژەیەکی تەندروستیی جێبەجێ کرد. لە ئەنجامی چالاکییەکەدا وەقفەکە لە وڵاتی کینیا نەشتەرگەری ئاوی سپی چاو بۆ ژمارەیەکی زۆر کەس ئەنجام دایەوە.
چالاکییەکە لە ژێر چاودێری موسعەب ئیمیر ئەندامی وەقفی یەتیمەکان و ئەدیب ئالەڤ بەرپرسی مەیدانی وەقفەکە ئەنجام درا. لە ئەنجامی پڕۆژەکەدا دوای پشکینین بۆ ژمارەیەکی زۆر کەس ئەو کەسانەی دەتوانرا نەشتەرگری بۆیان بکرێت نەشتەرگەری بۆیان کرا.
دوای نەشتەرگەرییەکان نەک تەنها نەخۆشەکان بەڵکو خێزانەکانیان خۆشییەکی زۆریان بەخۆوە بینی. خەڵکی ناوچەکە ڕایانگەیاند کە ئەو خزمەتگوزارییە تەندروستییانەی کە پێشکەش دەکرێن ڕاستەوخۆ کاریگەرییان لەسەر ژیانی ڕۆژانەیان هەبووە و کوالیتی ژیانیان باشتر کردووە.
بەرپرسانی وەقفی یەتیمەکان جەختیان لەوە کردەوە کە تەندروستی یەکێکە لە توخمە بنەڕەتییەکانی کەرامەتی مرۆڤ و ڕایانگەیاند کە بە پاڵپشتی خێرخوازان بەردەوام دەبن لە مایەی هیوا بۆ ئەوانەی پێویستیان پێیەتی لە ناوچە جیاوازەکانی جیهان. ئەم کارە لە کینیا جارێکی دیکە دەریخست کە هاودەنگی و میهرەبانی هیچ سنوورێک ناناسن.
وەقفەکە سەبارەت بە چالاکییەکە ڕاگەیەندراوێکی بڵاو کردەوە.
لە ڕاگەیەندراوەکە هاتووە، "ئێمە وەک وەقفی یەتیمەکان دەزانین کە تەندروستی بەشێکی بنەڕەتی کەرامەتی مرۆڤە. بەم تێگەیشتنە بەردەوامین لە گەیاندنی پاڵپشتی خێرخوازانمان بۆ ئەو کەسانەی کە پێویستیان پێیەتی لە ناوچە جیاجیاکانی جیهان. ئەم پڕۆژەیەی نەشتەرگەری ئاوی سپی چاو کە لە کینیا ئەنجام دراوە جارێکی دیکە دەریخستووە کە هاودەنگی و بەزەیی و میهرەبانی هیچ سنوورێک ناناسن. ئێمە لە دڵەوە سوپاسی هەموو خێرخوازانمان دەکەین."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
تۆڕی پزیشکانی سوودان ڕایگەیاند، لە ماوەی ٤٨ کاتژمێری ڕابردوودا ١٦ کەس لە شارۆچکەی دەلەنجا لە ویلایەتی کۆردۆفانی باشوور گیانیان لەدەستداوە، هاوکات ڕێکخراوەکانی مافی مرۆڤیش ڕایانگەیاندووە کە پێشێلکاریی جددی بەرامبەر بە خەڵکی سڤیل لە سەرتاسەری وڵاتدا ئەنجام دەدرێت.
لەگەڵ تەواوی ڕێگرییەکان و بەربەستەکانی رژێمی داگیرکەری سەهیۆنی ٥٠ هەزار مسوڵمان لە مزگەوتی ئەقسا نوێژی هەینیان ئەنجام دایەوە.
بەڕێوەبەرایەتیی بەرگریی شارستانی لە کەرتی غەززە ڕایگەیاند کە بەدوای روودانی ٣ تەقینەوەی سەرچاوەگرتوو لە پاشماوەی بەجێماوی هێرشەکانی سوپای داگیرکەری سەهیۆنی لە ناوچە جیاوازەکانی ئەم کەرتە، منداڵێک شەهید بووە و چەندین حاڵەتی ئاگرکەوتنەوە و زیانی ماددی بەر ماڵی هاووڵاتییان کەوتووە.
