رژێمی داگیرکەر بەرەبەیانی ئەمڕۆ لە ناوچە جیاجیاکانی کەناری ڕۆژئاوا چەندین هەڵمەتی ئەنجام دا. ١٠ کەسیان دەستبەسەر کرد کە یەکێکیان ئەسیرێکی ئازادکراو و یەکێکیان کچێک بوو.

لە شاری نابلوس رژێمی داگیرکەر لە کاتی هەڵکوتانە سەر ماڵی بنەماڵەکەی لە قەزای عەسیرەی باکوور کچێک بە ناوی دوعا جەراریە ڕفاند. لە هەمان کاتدا رژێمی داگیرکەر کە لە ڕێگەی خاڵە سەربازییەکانی "دێر شەرەف" و "سورە"ەوە هاتە ناو شاری نابلوس، بەسیم ئەلقوتب لە ماڵەکەی و براکانی مەحمود و محمد تەیسیر عەبدولحەی و عەلی ئەلشامی لە ڕفاند.

هەروەها هێزەکانی داگیرکەر هەڵیکوتایە سەر کەمپی پەنابەرانی بەلەتا لە ڕۆژهەڵاتی شاری نابلوس و دوای هەڵکوتانە سەر ماڵەکەی، گەنجێکی بە ناوی سەمیح زیاب دەستبەسەر کرد. دەستنیشان کرا، هێزەکانی داگیرکەر سەمیحیان دەستبەسەر کردووە بۆ ئەوەی فشار بە سەر براکەی حەبیب بسەپێنن تاکو خۆی ڕادەست بکات.

بەگوێرەی سەرچاوە خۆجێیەکان، هێزەکانی داگیرکەر گەنجێکی بە ناوی ئەحمەد ئەبو عەواد لە نەبلوس بە هەڵکوتانە سەر ماڵی بنەماڵەکەی دەستبەسەر کردووە.

لە تولکەرم، هێزەکانی داگیرکەر، دوای هەڵکوتانە سەر ماڵەکەی، محەممەد نەسیری زیندانی پێشووی لە شارۆچکەی عەتیل لە باکووری شارەکە، دووبارە دەستگیرکردەوە. هەر لەو شارۆچکەیە گەنجێکیش بە ناوی لیوا سەلیم لە ماڵی بنەماڵەکەی ڕفێندرا.

هێزەکانی داگیرکەر هەڵیکوتایە سەر شارۆچکەکانی ئەنبێتا لە ڕۆژهەڵاتی تولکەرم و ئالار لە باکووری شارەکە و گەڕانێکی بەرفراوانی لە ماڵە مەدەنییەکان و دوکانە بازرگانییەکان ئەنجام دا.

هێزەکانی داگیرکەر دوای هەڵکوتانە سەر ماڵەکەی، گەنجێکی بە ناوی مەجد ئەشرەف لە ناحیەی بەیتونیەی ڕامەڵڵا دەستبەسەر کرد.

هەروەها هێزەکانی داگیرکەر هەڵکوتانە سەر شارۆچکەکانی سیلواد لە باکووری ڕۆژهەڵاتی ڕامەڵڵا و مەزرای ڕۆژئاوا لە باکووری ڕۆژئاوای شارەکە و کوبەر لە باکوور.

هەروەها هێزەکانی داگیرکەر چووە ناو شاری ئەریحا کە شارێکە لە بەشی ڕۆژهەڵاتی کەناری ڕۆژئاوای داگیرکراو و هەڵیکوتایە سەر ماڵێک لە شەقامی عەمان.

هاوکات ٥ ئەندامی هەمان بنەماڵە بەهۆی هێرشی دانیشتوانی ناوچەی ئەلعەوجە لە نزیک ئەریحا بریندار بوون.(İLKHA)