هێرشی بەرفراوانی سوپای سەهیۆنی بۆ سەر شار و گوندەکانی کەناری ڕۆژئاوا
13 oC
13 oC
Güneşli
13 oC
Güneşli
بەرەبەیانی ئەمڕۆ سێشەممە، سوپای رژێمی سەهیۆنی شەپۆلێک لە هێرشی هاوکاتی لە دەیان خاڵی کەناری ڕۆژئاوا دەست پێ کرد و هێرشی کردە سەر شار و گوند و کەمپە جیاجیاکان.
بەپێی زانیاریی سەرچاوە خۆجێیەکان، هێزەکانی داگیرکەر هێرشیان کردە سەر شارۆچکەی یەعبەد لە ڕۆژئاوای جەنین و پاشان عورتا لە باشووری نابلوس. هاوکات، سەربازانی سەهیۆنی لە یامون (ڕۆژئاوای جەنین) ئۆتۆمبێلی فەڵەستینییەکانیان ڕاگرت و مامەڵەی خراپیان لەگەڵ کردن.
لە باکووری ڕامەڵڵاش، نیشتەجێبووەکان تەقەیان لە ناوچەی تەل لە نزیک سنجل کرد و کەمێک دواتر هێزەکانی داگیرکەریش چوونە ناو سنجل. لە عورتا، هێزە داگیرکەرەکان هێرشیان کردە سەر دوکانێکیش.
پاشان هێرشەکان پەرەیان سەند بۆ سەر بەیتا لە باشووری نابلوس، کوبەر لە باکووری ڕامەڵڵا و خودی شاری نابلوس.
لە درێژەی ئەم هێرشانەدا، گەنجێک دوای هێرشکردنە سەر ماڵەکەی لە حەبلە (باشووری قەلقیلیە) دەستبەسەر کرا. هەروەها سوپای سەهیۆنی هێرشی کردە سەر بەنی نەعیم لە ڕۆژهەڵاتی خەلیل و پاشان قەریوت لە باشووری نابلوس، و پشکنینی چەندین ماڵیان لەو گوندەدا کرد.
پاشان سوپای داگیرکەر هێرشی کردە سەر کەمپی عائیدە لە باکووری بەیتی لەحم و شاری بەیت جالا، و پشکنینی چەندین ماڵی کرد.
هێرشەکانی داگیرکەرانی سەهیۆنی بۆ سەر کەناری ڕۆژئاوا بووەتە شتێکی ئاسایی و ڕۆژانە، و بە گشتی لەم هێرشانەدا خەڵکێکی زۆر دەستبەسەر دەکرێن.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بزووتنەوەی جیهادی ئیسلامی فەلەستین لە بەیاننامەیەکدا ڕایگەیاند کە پەسەندکردنی بڕیارنامە پێشنیازکراوەکەی ئەمریکا سەبارەت بە غەززە لە ئەنجوومەنی ئاسایش ڕەتکراوە و قابیلی قبووڵ نییە و هیچ کام لە گرووپ و چین و توێژەکانی گەلی فەلەستین سەرپەرشتیارییەکی لەو شێوەیە بەسەر غەززەدا قبووڵ ناکەن.
بەلەمەکانی رژێمی داگیرکەر کە لە باشووری غەززە دەورییەیان دەدا تەقەیان کردە سەر ماسیگرانی فەلەستینی.
ڕاگەیەندرا کە ٣٠٩ کەس کە لە پارێزگای قەندەهار لە باشووری ئەفغانستان کە بە ماددە هۆشبەرەکان ئالوودەبوونەتە بە تەواوی چاکبوونەتەوە و لەگەڵ خێزانەکانیان یەکتریان بینیوە.
پوشلین، پارێزگاری دۆنێتسک ڕایگەیاند، لە ئەنجامی هێرشی شەوانەی ئۆکرانیا، دوو وێستگەی کارەبای گەرمی زیانیان بەرکەوتووە.
