لە ئەنجامی هێرشی هێزەکانی داگیرکەر لە نزیکەی کەمپی بورێج کەسێکی مەدەنی شەهید بوو کە داری کۆدەکردەوە.

رژێمی داگیرکەری سەهیۆنی بەردەوامە لە پێشێلکردنی ئاگربەست. سەربازەکانی رژێمی داگیرکەر ئەمڕۆ بەیانی لە ڕۆژهەڵاتی کەمپی پەنابەرانی بورێج تەقەی کردە سەر هاوڵاتیێکی مەدەنی هەوڵی کۆکردنەوەی دار دەدا. فەلەستینییەکە لە ئەنجامی هێرشەکەدا شەهید بوو.

سەرچاوە خۆجێیەکان باس لەوە دەکەن، داگیرکەران لەگەڵ ئەوەی لە ناوچەکە هیچ شەڕێک نەبووە و هیچ هەڕەشەیەکی ئەمنی نەبووە تەقەی کردووە سەر مەدەنییەکە.

لە هەمان کاتدا هێزەکانی داگیرکەر بە تۆپهاوێژ ڕۆژهەڵاتی خان یونسیان بۆردومان کرد و فڕۆکەکانی داگیرکەریش هێرشی ئاسمانیان ئەنجام دایەوە. هەروەها لە ڕۆژهەڵاتی شاری غەززە ژمارەیەکی زۆر خانوو ڕوخێنران.

لەگەڵ ئەوەی لە ١٠ی ئۆکتۆبەر ئاگربەست ڕاگەیەندرا بەڵام رژێمی داگیرکەر لەو ڕۆژەوە سەدان جار ئاگربەستی پێشێل کردووە و لە ئەنجامی هێرشەکاندا تاوەکو ئێستا ٢٤١ فەلەستینی شەهید بوونەتە و ٦٠٩ کەسیش بریندار بوونەتە.

رژێمی داگیرکەری سەهیۆنی لە ٧ی ئۆکتۆبەری ٢٠٢٣ دەستی بە هێرش سەر غەززە کرد و لە ئەنجامی هێرشەکاندا تاوەکو ئێستا بە کۆی گشتی ٦٨ هەزار و ٨٧٥ کەس شەهید بوونەتە و ١٧٠ هەزار و ٦٧٩ کەسیش بریندار بوونەتە.

خەڵکی غەززە لە ژێر مەرجەکانی دژواردا هەوڵی گوزەرانی ژیان دەدەن.(İLKHA)