لە کەنارئاوەکانی شاری سورمان لە ڕۆژهەڵاتی وڵاتی لیبیا لە ئەنجامی نوقبوونی بەڵەمێکی کۆچبەران ١٨ کۆچبەری نائاسایی گیانیان لەدەستدا.

دەسەڵاتدارانی لیبیا ڕایانگەیاند کە بەلەمێک کە کۆچبەرانی ناڕێک و پێکی هەڵگرتبوو لە کەناراوەکانی شاری سورمان لە ڕۆژئاوای وڵاتەکە نوقم بوو و بەهۆیەوە ١٨ کۆچبەری نائاسایی گیانیان لەدەستدا.

لە بەیاننامەیەکدا کە لەلایەن سەرۆکایەتی داواکاری گشتیی لیبیا بڵاو کراوەتەوە، باس لەوە کراوە کە ڕێکخراوێکی تاوانکاری دۆزراوەتەوە کە هەوڵی بە قاچاخچێتی کۆچبەرانی نائاسایی دەدات لە ڕێگەی دەریاوە.

ڕاگەیەندراوە کە ١٨ لەو کۆچبەرە نائاساییانە کە بەلەمەکەیان لە کەناراوەکانی شاری سورمان لە ڕۆژئاوای وڵات نوقم بووە، خنکاون و لێکۆلینەوە لەبارەی رووداوەکە بەردەوامە.

ڕاگەیەندرا کە ئۆپڕاسیۆنێک بۆ گرتنی ئەندامانی ئەو ڕێکخراوە تاوانکارییە دەستیپێکردووە کە قسەی لەسەر دەکرێت، بە پشتبەستن بە ئیفادەی ئەو کۆچبەرە نائاساییانەی کە توانیویانە لە ژیاندا بمێننەوە.

هیچ زانیارییەک سەبارەت بە ژمارە و ڕەگەزنامەی ئەو کۆچبەرە نائاساییانە کە لە کارەساتی بەلەمەکە ڕزگاریان بووە، نەخراوەتەڕوو.(İLKHA)