رژێمی داگیرکەری سەهیۆنی ئەمڕۆ بەیانی هێرشەکانی بۆ سەر غەززە چڕتر کردووە و لە ئەنجامی هێرشەکاندا لانیکەم ٤٣ کەس شەهید بوون و دەیان کەسیش بریندار بوون.

بە پێی ڕاگەیەندراوی سەرچاوەکانی تەندروستی، رژێمی داگیرکەر بە فڕۆکەکانی جەنگی هێرشی کردووە سەر خێمەیەکی ئاوارەکان لە ناوچەی مەواسی لە شاری خان یونس و لە ئەنجامی هێرشەکەدا ٣ کەس شەهید بوون.

هێرشێکی دیکە بۆ سەر کەمپی پەنابەرانی نوسەیرات ئەنجام درا و لە ئەنجامی هێرشەکەدا کەسێک لەگەڵ هاوسەرە دووگیانەکەی و کچەکانی شەهید بوون. لە ئەنجامی هێرش سەر گەڕەکی تەل هەوا لە باشووری شاری غەززە ٢ کەس شەهید بوون و ژمارەیەکی زۆر کەسیش بریندار بوون.

لە ئەنجامی هێرش سەر گەڕەکی شێخ ڕضوان باڵەخانەی ئاجور و دەوروبەرەکەی کرا ئامانج و لە ئەنجامی هێرشەکەدا ژمارەیەکی زۆر کەس شەهید و بریندار بوون. هەروەها خانوویێکی دیکە لە هەمان ناوچە بۆردومان کرا.

لە رەفەح تەقە کرا سەر ئەو کەسانەی چاوەڕوانی وەرگرتنی هاوکاری مرۆیی بوون و لە ئەنجامی هێرشەکەدا ٥ کەس شەهید بوون و زیاتر لە ٥٠ کەسیش بریندار بوون.

لە ئەنجامی هێرشەکانی رژێمی داگیرکەر لە دوێنێوە ١٠٨ کەس شەهید بوونەتە کە ٩٣یان لە باکووری غەززە بوون.(İLKHA)