پەرلەمانتاری هودا پار لە ئەنجامی هێرشی هێزەکانی میسڕ بریندار بوو
13 oC
13 oC
Güneşli
13 oC
Güneşli
فاروق دینچ پەرلەمانتاری هودا پار کە بۆ بەشداری لە رێپیوانی پشتیوانی لە غەززە لە میسڕە لە ئەنجامی هێرشی هێزەکانی میسڕ بریندار بوو.
دەستێوەردانەکانی هێزە ئەمنییەکانی میسر لەدژی بەشداربووانی "رێپێوانی جیهانی غەززە" کە بۆ کاردانەوە بەرامبەر بە کۆمەڵکوژیی غەززە و پشتیوانی غەززە لە ڕێگەی دەروازەی سنووری رەفەحەوە رێکخرابوو، بەردەوامە.
فاروق دینچ پەرلەمانتاری هودا پار لەو کەسانە بوو کە لە چوارچێوەی ئەم ڕێپێوانەدا چوونەتە میسر. بەڵام دینچ لە ئەنجامی دەستوەردانی هێزە ئەمنییەکانی سەر بە ئیدارەی میسر لە سەری بریندار بووە.
لە کاتێکدا لایەنگرانی غەززە کە لە هەموو جیهانەوە دێن بە سەختییەکی زۆرەوە تێکۆشان دەکەن بۆ گەیشتن بە دەروازەی سنووری ڕەفەح، ئیدارەی میسر پەنا دەباتە بەر شێوازی جۆراوجۆر بۆ ڕێگریکردن لە چوونە ژوورەوە. بەشێک لە لایەنگرانی غەززە دەستبەسەر دەکرێن و دەست بەسەر پاسپۆرتەکانیاندا دەگیرێت و تەنانەت لە هۆتێل و ئۆتۆمبێلیشدا راگیراون.
هودا پار سەبارەت بە دۆخی فاروق دینچ راگەیەندراوێکی بڵاو کردەوە.
لە راگەیەندراوەکە هاتووە، "پەرلەمانتاری مێرسینمان کاک فاروق دینچ کە بەشداری ڕێپێوانی ویژدانی جیهانی کرد کە بۆ کردنەوەی دەروازەی سنووری رەفەح لە میسر لە ئەنجامی هێرشێکدا بریندار بوو.
باری تەندروستی پەرلەمانتارمان دینچ باشە، بەڵام هێرشە جددیەکان بۆ سەر چالاکڤانان مەترسیدارە. سەلامەتی ئەو چالاکڤانانە لە نێویاندا بەشێکی زۆر لە هاوڵاتیانی کۆماری تورکیا هەیە، لە مەترسیدایە.
پێویستە دەستبەجێ دەسەڵاتدارانی میسر ئاگاداربکرێنەوە و هەنگاوی پێویست بۆ ڕاگرتنی هێرشەکان بنرێت.
بەپەلە داوا لە سەرۆکی پەرلەمانی گەورەی نیشتمانی تورکیا بەڕێز نوعمان کورتولموش و وەزیری دەرەوە بەڕێز هاکان فیدان دەکەین دەستبەکاربن".(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئەنتۆنیۆ گۆتێرێس، سکرتێری گشتیی نەتەوە یەکگرتووەکان، لە ڕاپۆرتێکدا سەبارەت بە فراوانبوونی بێ ێشینەی دروستکردنی شارۆچکەکان (مستەعمەرات) لەلایەن رژێمی سەهیۆنی و خراپتربوونی دۆخی مرۆیی لە خاکە داگیرکراوەکان هۆشداریی دا.
لە باشووری هیندستان لە ئەنجامی وەرگەڕانی پاسێک ٩ کەس گیانیان لەدەستدا و ٢٩ کەسیش بریندار بوون.
بەهۆی بۆردومانی فڕۆکەی بێفڕۆکەوان لە شاری تڤێری رووسیا ٧ کەس بریندار بوون.
ناوەندی فریاگوزاریی پزیشکی لە شاری غەززە ڕایگەیاند کە بەساڵاچووان و منداڵان زۆرترین زیانیان بەهۆی شەپۆلە کەشوهەوایییەکەی ئەم دوایییەوە بەرکەوتووە و دۆخی مرۆیی لە ناوچەکانی ئاوارەکاندا بە شێوەیەکی مەترسیدار ڕوو لە خراپبوونە.
