بڵاوبوونەوەی لەرزەتا، کۆلێرا لە ئەسیوپیا ٥٩ کەس دەکوژێت
13 oC
13 oC
Güneşli
13 oC
Güneşli
بەپێی ئامارەکانی رێکخراوی تەندروستی جیهانی، تا مانگی شوباتی ئەمساڵ نزیکەی ٥٩ حاڵەتی مردن بەهۆی بەردەوامی بڵاوبوونەوەی لەرزەتا و کۆلێرا لە ناوچە جیاوازەکانی ئەسیوپیا تۆمارکراوە.
بە پێی راپۆرتی رێکخراوی تەندروستی جیهانی بۆ مانگی شوبات کە ڕۆژی دووشەممە لە بولیتینی کلاستەری تەندروستی ئەسیوپیا بڵاوکراوەتەوە، وڵاتی ڕۆژهەڵاتی ئەفریقا کۆی گشتی ٩٠٩ هەزار و ١٤٦ حاڵەتی لەرزەتا و ٣٤ حاڵەتی مردنی لە هەزار و ١٧٣ قەزای سەرتاسەری وڵات تۆمارکردووە.
لە راپۆرتەکەدا ئاماژە بەوە کراوە کە ئەسیوپیا لە هەمان ماوەدا بە گشتی ٨٥٧ حاڵەتی کۆلێرا و ٢٥ حاڵەتی گیانلەدەستدانی لە ناوچەکانی گامبێلا و ئەمهارا تۆمارکردووە و ڕێژەی مردنی تووشبووان لەسەدا ٢.٩٢ بووە. بڵاوبوونەوەی نەخۆشی کۆلێرا لە ١٦ قەزا لە دوو ناوچەی تووشبوودا چالاکە.
رێکخراوی تەندروستی جیهانی رایگەیاندووە کە ململانێکان لە هەندێک ناوچەی ئەسیوپیا کاریگەری نەرێنی لەسەر دۆخی تەندروستی گشتی وڵاتەکە بەردەوامە و سەدان هەزار کەس کە پێویستیان بە هاوکاری بەپەلەیە لە ناوچە سەختەکاندا گیریان خواردووە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئەنتۆنیۆ گۆتێرێس، سکرتێری گشتیی نەتەوە یەکگرتووەکان، لە ڕاپۆرتێکدا سەبارەت بە فراوانبوونی بێ ێشینەی دروستکردنی شارۆچکەکان (مستەعمەرات) لەلایەن رژێمی سەهیۆنی و خراپتربوونی دۆخی مرۆیی لە خاکە داگیرکراوەکان هۆشداریی دا.
لە باشووری هیندستان لە ئەنجامی وەرگەڕانی پاسێک ٩ کەس گیانیان لەدەستدا و ٢٩ کەسیش بریندار بوون.
بەهۆی بۆردومانی فڕۆکەی بێفڕۆکەوان لە شاری تڤێری رووسیا ٧ کەس بریندار بوون.
ناوەندی فریاگوزاریی پزیشکی لە شاری غەززە ڕایگەیاند کە بەساڵاچووان و منداڵان زۆرترین زیانیان بەهۆی شەپۆلە کەشوهەوایییەکەی ئەم دوایییەوە بەرکەوتووە و دۆخی مرۆیی لە ناوچەکانی ئاوارەکاندا بە شێوەیەکی مەترسیدار ڕوو لە خراپبوونە.
