لە ئەنجامی رووداوێکی هاتوچۆ لە سەر ڕێگای دیاربەکر-مێردین ٤ کەس گیانیان لەدەستدا کە یەکێکیان ئافرەتێکی دووگیان بوو.

رووداوەکە لە کاتەکانی نیوەڕۆ لە نزیکەی گوندی قەرەقۆچ لە سەر ڕێگای دیاربەکر-مێردین رووی دا. لە ئەنجامی ئەو رووداوەی لە نێوان بارهەڵگرێک و تەکسیێک و ئۆتۆمبێلێک رووی دا ٤ کەس بەناوەکانی عبدالله سغن، لەیلا سغن، عومەر سغن و ڕوشەن سغن گیانیان لەدەستدا. دەستنیشان کرا، یەکێک لە ئافرەتەکان دووگیان بووە.

دوای ئاگادارکردن تیمەکانی تەندروستی، جەندرمە، پۆلیس و ئاگرکوژێنەوە ڕەوانەی ناوچەکە کران. کەسێک لە ئەنجامی رووداوەکەدا بریندار بوبوو گواسترایەوە نەخۆشخانە.

لە گرتەڤیدیۆکانی کامێراکانی ئاسایش دەبینرێت کە بارهەڵگرەکە بە خێرایی دێتە سەر ڕێگاکە و دەبێتە هۆی رووداوەکە.

سەبارەت بە رووداوەکە لێپرسینەوە دەستی پێکرد. (İLKHA)