13 oC 
Güneşli
شاهزادە دەمیر جێگری سەرۆکی گشتی هودا پار و پەرلەمانتاری عەنتاب ڕاگەیاند کە دەبێت دەروازەی خابوور (ئیبراهیم خەلیل) لە نێوان سلۆپی لە پارێزگای شرنەخ و زاخۆ لە هەرێمی کوردستان وەک ناوچەی ستراتێژی ئازاد ڕابگینرێت.
شاهزادە دەمیر جێگری سەرۆکی گشتی هودا پار و پەرلەمانتاری عەنتاب لە پەرلەمانی تورکیا کۆنگرەیەکی ڕۆژنامەوانی ڕێکخست و باس لە چەند پرسێکی گرنگی پارێزگای شرنەخ کرد.
دەمیر ئاماژەی بەوە کرد کە پڕۆژەی گاپ (پڕۆژەی ئانادۆلوی باشووری ڕۆژهەڵاتی) بۆ کەشەپێدانی ناوچەکە زۆر گرنگە و لەگەڵ ئەوەی نزیکەی ٤٠ ساڵ بە سەر ڕاگەیاندنی ئەم پڕۆژەیە تێپەڕیوە بەڵام تەنها لە سەدا ٤٠ی پڕۆژە تەواو بووە و ئەمەش کەمترخەمیێکی گەورەیە.
ناوبراو هەروەها باس لە کێشەکانی دەروازەی خابوور (ئیبراهیم خەلیل) لە نێوان سلۆپی و زاخۆ کرد و چەند پێشنیارێک بۆ چارەسەری پێشکەش کرد.
"دەبێت دەروازەی خابوور وەک ناوچەی ستراتێژی ئازاد ڕابگینرێت"
دەمیر ئاماژەی بەوە کرد کە دەروازەی خابوور یەکێکە لەو دەروازانەی گومرگی کە توانای جددی هەیە و وتی، "ژووری کشتوکاڵی جزیر و سلۆپی ئارەزووی خۆی دەربڕی بۆ ناساندنی ناوچەی نێوان سلۆپی و جزیر تا خابوور وەک ناوچەیەکی ئازادی ستراتیژی. ئاگادار کراینەوە کە پڕۆژەکانیان لەوبارەیەوە پێشکەشی وەزارەت کردووە. بە جێبەجێکردنی ئەم داواکاریانە، وەزارەتی بازرگانیمان دەتوانێت توانای بازرگانی ئەم دەروازە سنوورییە بە شێوەیەکی بەرچاو زیاد بکات. تورکیا و خەڵکی ناوچەکە پێویستیان بەم شتەیە. گرنگی ئەم بوارە بازرگانییە ڕۆژانە لە گەشەکردندایە. بۆ ئەوەی تورکیا بتوانێت ڕکابەری لەگەڵ ڕکابەرە بازرگانییە گەورەکانی بکات، پێویستییەکی گرینگ هەیە بۆ پاڵپشتی دەروازەی سنووری خابوور و ناساندنی بە ناوچەیەکی ئازادی ستراتیژی. هەڵسەنگاندن و جێبەجێکردنی ئەم پڕۆژانە هەم بۆ تورکیا و هەم بۆ خەڵکی ناوچەکە زۆر گرنگە. هابور دەروازەی چوونە ژوورەوەی پرۆژەی ڕێگای گەشەپێدانە بۆ تورکیە و یەکێکە لە خاڵە گرنگەکانی. بۆیە وەبەرهێنان و بەهێزکردنی ژێرخانی ئابووری و پشتیوانی بووەتە شتێکی بنەڕەتی."
هەروەها دەمیر ڕایگەیاند کە پێویستە تێچووی کەرتی لۆجستی کەم بکرێتەوە بە دامەزراندنی وێستگەی سووتەمەنی بێ باج لە دەروازەی سنووری خابوور.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
وەقفی ئەڤیندارێن پێغەمبەر بۆ ڕاکێشانی سەرنج بۆ پێشێلکارییەکانی رژێمی داگیرکەر لە غەززە و بەردەوامبوونی هەژاری ڕاگەیەندراوێکی بڵاو کردەوە و بانگێشتی وڵاتانی گەرەنتیکار کرد کە ئەرکەکەیان جێبەجێ بکەن.
زەکەریا یاپجیئۆغلو سەرۆکی گشتی هودا پار لە ناوەندی گشتی حیزبەکەی پێشوازی کرد لە عەلی باپیر سەرۆکی کۆمەڵی دادگەریی کوردستان.
ئەم کورتە فیلمە دیکۆمێنتارییە باس لە برنجی قەرەژداغ دەکات، کە بە هەوڵێکی زۆرەوە لەسەر زەوییە بەردینەکانی ناوچەی قەرەچاداغی دیاربەکر چێنراوە. چیرۆکی کار و ئەزموونی سەد ساڵەی جووتیاران دەگێڕێتەوە کە بە داس دروێنە دەکەن، سەرەڕای هەموو ئەگەرە تەکنەلۆژییەکانی ئەو سەردەمە.
