Li Efxenistanê, ku zehmetîyên aborî û xizanî berdewam dikin, bi taybetî zarok di gihîştina pêdiviyên bingehîn de zehmetiyan dikişînin. Kompleksa Mezin a Êtîmxaneyê, ku niha ji hêla Weqfa êtîman ve di bin çêkirinê de ye, armanc dike ku ji bi sedan zarokên bê dê û bav re stargehek ewle, perwerdehî û lênêrîna tenduristiyê peyda bike.

Pirsgirêkên aborî û mirovî yên demdirêj li Efxenistanê jiyana zarokên bê dê û bav û hejar bi taybetî dijwar dikin. Li vî welatê xizan, temînkirina pêdiviyên bingehîn ên zarokan ên wekî stargeh, perwerde û lênêrîna tenduristiyê pir girîng e.

Ji bona ku beşdarî temînkirina van hewcedariyan bibe, Weqfa Êtîman xebatên xwe yên li ser projeya Kompleksa Mezin a Êtîmxaneyê didomîne. Kompleks, ku bi merhaleyan tê avakirin, piştî ku temam bibe, armanc dike ku bibe navendeke berfireh ku hewcedariyên xanî û perwerdehiyê yên bi sedan zarokên sêwî bicîh bîne.

Di merhaleya duyemîn a projeyê de, çêkirina wargehek mamosteyan û klînîkeke tenduristiyê di rê de ye. Tê diyarkirin ku xebat li gorî bernameya plankirî pêşve diçin, û tê texmînkirin ku merhaleya duyemîn di nav nêzîkî sê mehan de biqede.

Di merhaleyên paşîn ên kompleksa êtîmxaneyan de, plan hene ku qadên jiyanê yên zarokan berfireh bikin. Merhaleya sêyemîn avakirina wargehên zarokan û tesîsên werzîşê pêşbînî dike, di heman demê de merhaleya çaremîn û ya dawîn ew ê atolyeyên perwerdehiya pîşeyî jî di nav xwe de bigire.

Armanca projeyê ne tenê ew e ku piştî temambûnê pêdiviyên xanî yên zarokên bêbav peyda bike, lê di heman demê de garantî bike ku ew perwerdehiya birêkûpêk werdigirin, gihîştina tenduristiyê digirin, beşdarî çalakiyên civakî û werzîşî dibin, û jêhatîyên pîşeyî bi dest dixin.

Kompleksa Mezin a Êtîmxaneyê, ku ji aliyê Weqfa Êtîman ve li Efxenistanê tê avakirin, wekî navendeke jiyan û perwerdehiyê ya berfireh tê plankirin ku dê alîkariya zarokên sêwî bike ku di hawîrdorek ewle de mezin bibin, perwerdehiyê werbigirin û ji bo pêşerojê çêtir amade bibin. (ÎLKHA)