Serokwezîrê Pakistanê Şehbaz Şerîf û Serokkomarê Îranê Mesûd Pezeşkîyan di hevdîtina xwe ya li Bîşkekê de li ser aloziyên herêmî û peymana Îran-Emrîkayê axivîn. Îslamabadê diyar kir ku ji bo aştiyeke mayînde divê pêvajoya dîplomatîk berdewam bike.

Pakistan hewlên xwe ji bo çareserkirina aloziyên di navbera Emrîka û Îranê de bi rêya dîplomasiyê didomîne.

Serokwezîrê Pakistanê Şehbaz Şerîf li Bîşkekê, paytexta Qirxizistanê, di çarçoveya civîna Konseya Serokên Dewletan a Rêxistina Hevkariya Şanghayê de bi Serokkomarê Îranê Mesûd Pazeşkiyan re civiya.

Li gorî daxuyaniyek ji Ofîsa Serokwezîrê Pakistanê, her du serokan li ser geşedanên dawî yên li herêmê, û her weha xurtkirina têkiliyên dualî û projeyên girêdana herêmî axivîn.

Şerîf diyar kir ku Peymanên Îslamabadê yên di navbera Îran û Emîkayê de hatine îmzekirin bingehek girîng ji bo pêkanîna aştiyek mayînde pêşkêş dikin û divê têkiliyên dîplomatîk berdewam bikin. Serokwezîrê Pakistanê her wiha bang li her du aliyan kir ku xweragir bin.

Ev civîn girîng e ji ber ku piştî êrîşa Emrîkayê li ser hedefên Îranî li Girava Lark û tolhildana Îranê li dijî baregehên Amerîkî li Urdunê tê.

Herwiha aliyê Îranî diyar kir ku berdewamiya şer ne di berjewendiya herêmê de ye, di heman demê de Pezeşkîyan got ku ew amade ne ku peymanê bicîh bînin ger Washington wezîfeyên xwe yên di bin peymanê de bicîh bîne.

Bi vî awayî Pakistan hewl dide têkiliyên xwe yên nêzîk bi Tehranê re biparêze û di heman demê de rola xwe ya dîplomatîk di parastina rêgirtina li ber zêdebûna aloziya Îran-Emrîkayê bo pevçûneke herêmî ya berfirehtir de diparêze. (ÎLKHA)