Weqfa Êtîman, bi bexşên xêrxwazan li Kenyayê ji bo nexweşên Kataraktê projeyek pêk anît, di encama projeyê de gelek nexweşên kataraktê emelîyat kir û bû wesîleya dîtina wan.

Weqfa Êtîman, li Kenyayê bi bexşên xêrxwazan projeyek tenduristîyê pêk anît. Ji bo nexweşên mihtac ên ku bi nexweşîna kataraktê ku dibe sedema korbûnê re micadeleyê didin bernameya emelîyatê pêk anît, û di çarçoveya projeyê de gelek kes dîsa gihîştin îmkana dîtinê.

Xebatên ku hatin kirin di bin mesûlîyeta endamê Weqfa Êtîman Musap Îmîr û mesulê sehayê Edîp Alev de hat meşandin. Di xebatê de nexweş hatin tedawîkirin û emelîyatên wan hatin kirin.

Piştî emelîyatê tenê nexweş kêfxweş nebûn, bi tevî nexweşan malbat û xizmên wan jî gelek kêfxweş bûn. Gelê herêmê îfade dikin ku ev xizmetên tenduristîyê rasterast tesîrê jiyana wan dike û qelîteya jiyana wan zêde dibe.

Rayedarên Weqfa Êtîman, li ser tenduristîya însanan balan kişandin û gotin ku ew yek ji unsûrên bingeh a jiyana însanan e. Herî dawîn wan îfade kirin ku ew ê bi tevî piştgirîya xêrxwazan wê li erdnigarîyên cuda jî ji mihtacan re destê xwe yên xêrê dirêj bikin. (ÎLKHA)