Rejima îşxalker dîsa agirbestê îxlal kir û êrîşan pêk anît, di encamê de Filistînîyekî şehîd bû, gelek kes jî birîndar bûn.

Êrîşa îxlalkirinê li herêma rojhilata Xezzeyê pêk hat. Rejima sîyonîst li dijî herêma Şûcaîye û herêma Şiafê êrîşa asîmanî li dar xist.

Berdevkê Parastina Sîvîl a Xezzeyê Mahmud Basal, diyar kir ku êrîş li herêma ku sîvîl lê dijîyan hat lidarxistin û ekîbên tenduristîyê jî ji ber bomberdmanan nikarin biçin herêmê.

Wezareta Tenduristî ya Xezzeyê jî daxuyand ku di nav 72 saetên dawîn de 17 şehîd (15 ji wan ji bin kavilan hatin derxistin) û 3 birîndar ji nexweşxaneyê re hatin gihandin. Wezaret daxuyand ku hêna jî gelek şehîd di bin kavilan de ne û ekîbên tenduristîyê û ambûlans nikarin bikevin herêmê.

Li gorî wezaretê, ji 10ê Mijdara 2025an ku destpêkirina agirbestê ye ve heta niha 266 Filistînî şehîd bûb, 635 Filistînî jî birîndar bûn. 548 kes jî ji bin kavilan hatin derxistin. (ÎLKHA)