13 oC 
Güneşli
Hikûmeta Xezzeyê ragihand ku bombebarana avahiyên bilind ên ji teref rejîma îşxalker ve bûye sedema koçberbûna bi sed hezaran sîvîlan û li gorî qanûnên navneteweyî bi awayekî eşkere "sûcekî şer" e.
Hikûmeta Xezzeyê ragihand ku di çend rojên borî de hedefgirtina avahiyên bilind ji teref rejîma îşxalker ve, ziyaneke mezin gihandiye sîvîlan û bûye sedema koçberîya girseyî.
Ofîsa Medyayê ya Xezzeyê di daxuyaniyekê de got, "Êrîşên îsraîlê yên li ser avahiyên li Şerîda Xezzeyê polîtîkayeke sîstematîk a koçberkirina bi zorê û hedefgirtina sîvîlan nîşan dide."
Di daxuyaniyê de, ku tê de hatibû gotin ku qanûna navneteweyî hebûna hedefeke leşkerî divê were îspatkirin û ji bo pêşîgirtina li zirara sîvîlan tedbîr werin girtin, ev daxuyanî jî hebû: "Li Xezzeyê tiştekî wisa qet nehatiye kirin. îsraîl bêyî ku hedefên leşkerî li ber çavan bigire, avahiyan dixe hedef. Ev bi eşkereyî sûcê şer e."
Her wiha di daxuyaniyê de hat diyarkirin ku li bajarê Xezzeyê 51 hezar û 544 avahîyên pirqatî hene û nifûsa bajêr ji 914 hezarî zêdetir e û êrîşên rejîma îşxalker armanc dikin ku sîvîlan bi girseyî ji cih û warên xwe derxînin û zexta psîkolojîk ava bikin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Di beşa xwe ya dawî de, bernameya "Ma Khafi A'zam" a televîzyona El Cezîreyê agahiyên deh hezaran leşkerên girêdayî hêza hewayî ya rejîma sîyonîst ku beşdarî qirkirina Xezzeyê bûne, bi raya giştî re parve kir.
Ji ber boykotkirina cîhanî ya li dijî berhem û şîrketên rejîma îşxalker ên ku piştgiriyê didin îşxalê, gelek şîrketan karên xwe kêm kirine.
Hikûmeta Xezzeyê ragihand ku ji agirbesta di navbera Hamas û rejîma îşxalker de di 10ê Cotmehê de tenê 986 qamyonên alîkarîya mirovî derbasî Xezzeyê bûne, ev hejmar jî li gorî hejmara di peymana agirbestê de hatibû destnîşankirin pir kêmtir e.
Wezîrê Ragihandin a rejima sîyonîst Mîrî Regev, pêşnîyar ki rku bila cenazeyê şehîd Yahya Sînwar “were şewitandin”. Gotinên Regev, careke dinê zimanê nefret a rejima îşxalker anît ber çavan.
