Li Helebê goristaneke komî ya qurbaniyên îşkenceyê hat dîtin
13 oC
13 oC
Güneşli
13 oC
Güneşli
Rayedarên Sûrîyeyê ragihandin ku li gundê Tirkan ê li gundewarê Helebê goreke komî dîtine ku aîdî qurbaniyên ku tê bawerkirin ji teref hêzên rejîma berê ya bi serokatiya Esedê hilweşiyayî ve hatine îdamkirin e.
Li gorî qenala "El-Ihbariye" ya Sûrî, tê texmînkirin ku di gorê de cenazeyên kesên ku di bin îşkenceyê de hatine kuştin an jî li zeviyan hatine îdamkirin hene.
Di raporê de hat diyarkirin ku gor di bin tedbîrên ewlehiyê yên tund de hatiye derxistin û tîmên pispor ji bo diyarkirina nasnameya qurbaniyan lêpirsîn dane destpêkirin.
Ev vedîtin piştî wê yekê tê ku Wezareta Karên Hundir a Sûrîyeyê berê ragihandibû ku çar gorên komî li Kolana El-Sittîn, li bakurê bajarê Humsê, hatine dîtin ku termên bi dehan kesan tê de ne.
Wekî ku tê zanîn, ji 8ê Kanûna Pêşîn a 2024an vir ve, gorên komî yên nû yek bi yek derdikevin holê, yên qurbaniyên îxlalkirinên giran ên ku rejîma berê di salên borî de li dijî gelê Sûrîyeyê kirine. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Serfermandarê Giştî General Emîr Xatemî di civîna xwe ya bi endamên Komîteya Plankirin û Budçeyê ya Meclîsê re diyar kir ku ew di her şert û mercî de biryardar in ku pergala Îslamî biparêzin.
Êrîşên rejîma sîyonîst li ser Xezzeyê ji 7ê Cotmeha 2023an vir ve bûne sedema şehîdbûna zêdetirî 70 hezar û birîndarbûna zêdetirî 171 hezar Filistîniyan. Bi hezaran kes di bin kavilan de mane.
Lêkolînerê Yale Nathaniel Raymond li Harvardê axivî û got ku wan bi rêya dîmenên satelîtê kuştinên girseyî yên di seranserê şerê Sûdanê de belge kirine. Wî got ku bi hezaran sivîl li el-Faşîr û el-Cuneineh bêyî ku piştgirî an alîkarî werbigirin, di "planeke tunekirina sîstematîk" de hatine hedefgirtin.
