Serfermandarê Giştî General Emîr Xatemî di civîna xwe ya bi endamên Komîteya Plankirin û Budçeyê ya Meclîsê re diyar kir ku ew di her şert û mercî de biryardar in ku pergala Îslamî biparêzin.

Xatemî behsa şerê 12 rojî yê ferzkirî kir û got ku Îran bi piştgirî û hevkariya Emrîkayê, di demekê de ku bi Emrîkayê re danûstandin dikir, rastî êrîşeke hovane ya rejîma sîyonîst hat.

Xatemî got, "Ziyaneke herî biçûk a li ser rêziknameya îslamî, derbeyek li ser serxwebûn û yekparçeyiya axa welatê me, Îranê ye."

Xatemî diyar kir ku armanca êrîşê jiholêrakirina kapasîteya nukleerî, mûşekî û parastinê ya Îranê û hedefgirtina fermandarên wê ye û got ku yek ji armancên din ên rejîma sîyonîst hilweşandina pergala Îslamî û dewleta Îranê ye.

Lêbelê, Xatemî got ku ev hewldan bi saya "tedbîrên hêja yên Rêberê Mezin û Fermandarê Giştî, ji nû ve destnîşankirina bilez a fermandaran, fedakariya Hêzên Çekdar û pêşbîniya gelê Îranê" hate pûçkirin û aliyê din daxwaza agirbestê kir.

General Xatemî her wiha got, "Ji ber ku dijmin negihîşt ti armancên xwe me vê şerê qezenc kir." (ÎLKHA)