Di şewata avahiyek heft qatî ya li Cakartaya paytexta Endonezyayê de, herî kêm 20 kes mirin.

Serokê Polêsê Cakartaya Navendî Susatyo Purnomo Condro got ku agir hatiye kontrolkirin û ji bo qurbaniyên din ên muhtemel li ser avahiyê lêkolîn tê kirin.

Condro diyar kir ku agir li dora nîvro li qata yekem dest pê kiriye û bi lez belavî qatên jorîn bûye. Hinek karmend wê demê di navberiya nîvro de li avahiyê bûn, hinekên dinê jî ji ofîsê derketibûn.

Condro diyar kir ku piraniya kesên ku mirine, dibe ku ji ber dûmanê mirine ne ji ber şewitandinê.

Dema ku cenazeyên miriyan ji bo otopsiyê birin nexweşxaneya polêsan, ekîbên îtfaîyeyê lêgerîna xwe ya ji bo kesên din ên ku dibe ku di avahiyê de asê mane berdewam kirin.

Herwiha, ji ber germahiya zêde û dûmana qalind, li hinek qatan hewildanên sarkirinê pêşî têne kirin. (ÎLKHA)