Di êrîş û serdegirtinên rejîma siyonîst de, zêdetirî 100 Filistînî, ku di nav wan de kesayetên sîyasî û êsîrên berê yên Filistînî jî hene, hatine desteserkirin.

Hêzên îşxalkeran di şevê de li gelek bajarên Şerîaya Rojava serdegirtinek berfireh pêk anîn û zêdetirî 100 Filistînî, di nav wan de kesayetên siyasî û êsîrên berê jî hebûn, êsîr girtin. Klûba Êsîrên Filistînî ragihand ku serdegirtin bi taybetî li Nablus, Salfît, Cenîn, Tulkerem, Qelqelya, Erîha û bajarokên derdora Qudsê bûn.

Li gorî çavkaniyên herêmî, tevî hewaya baranbar û sar, îşxalker bi dehan malan girtine, li hinek deveran derî şikandine û lêpirsînên berfireh pêk anîne.

Di serdegirtinên li ser Nablusê de nêzîkî 50 Filistînî êsîr hatin girtin. Di nav kesên hatine êsîrgirtin de wezîr û siyasetmedarekî berê Nassereddîn el-Şaer hebû. Şaer piştî lêpirsînê li qadê serbest hat berdan.

Li Salfîtê, îşxalkeran bi dehan ciwan êsîr girtin û li nîvê kolanê li wan dan. Her wiha gelek mal jî lêgerîn kirin.

Li Cenînê, êsîrê berê Mihemed el-Arîda, ku yek ji wan êsîran bû ku di sala 2021an de bi kolandina tunelekê ji Zindana Cilbua reviyabûn, piştî ku mala malbata wî hate serdegirtin, dîsa hate êsîrgirtin.

Li Tulkeremê êsîrekî berê yê dinê jî hate desteserkirin, li Kalkilyayê jî du xort piştî lêgerîna malên wan hatin desteserkirin. Li Erîhayê jî 13 kes li zeviyê hatin lêpirsîn; hinek ji wan paşê hatin berdan.

Li bajarokê Beyt Ummar ê El Xelîl, heft kes, ku bav û kurek jî di nav de bûn, êsîr hatin girtin. Her wiha ji hinek malan zêr jî hatin dizîn.

Li derdora Qudsê, bi taybetî li Ebû Dîs û Îzarîyê, bi qasî 20 Filistînî li qadê hatin lêpirsînkirin û hinek ji wan jî hatin lêdan.

Ji 7ê Cotmeha 2023an vir ve, li Şerîaya Rojava û Qudsê êrîşên leşkerî yên dijwar zêde dibin. Di vê heyamê de, îşxalker û niştecihên Filîstînî herî kêm 1093 kuştin, 9034 birîndar kirin û nêzîkî 20 hezar êsîr girtin. Her wiha, 3187 hilweşandin hatine kirin û bi hezaran kes bêmal mane. (ÎLKHA)