Li Îranê ji ber qirêjîya hewayê û şewba grîpê, li 18 wîlayetên welat perwerde ji dûr ve tê dayîn
Ji ber qirêjiya hewayê û şewba grîpê, li 18 wîlayetên Îranê, li saziyên xwendina navîn û bilind perwerde bi dûr ve tê dayîn.
Li gorî malpera nûçeyan a Farhikhtegan ku ji Îranê weşanê dike, xwendekarên li paytext Tehran, El Borz, Qum, Azerbaycana Rojava û Rojhilat, Navendî, Qezwîn, Simnan û Îsfahanê ji ber qirêjiya hewayê perwerdehiya ji dûr ve dibînin.
Xwendekarên li Hemedan, Geylan, Yezd, Kirman, Sîstan-Belûçistan, Xorasana Başûr û Bakur, Xorasan-î Rezewî û Zencanê ji ber şewba gripê nikarin biçin dibistanê.
Li gorî daneyên şîrketa çavdêriya hewayê IQAir a navenda wê li Swîsreyê ye, Tehran îro piştî Bexda û Delhiyê di her metrekupekê de bi 225 mîkrogram, di warê qirêjiya hewayê de di rêza sêyemîn a cîhanê de ye.
Endeksa qalîteya hewayê li gorî nirxa maddeyên partîkulî (PM10) di yek metrekupa hewayê de wiha tê dabeşkirin: 0-50 hewaya paqij (kesk), 51-100 navîn (zer), 101-150 hesas (porteqalî), 151-200 nexweş (sor), 201-300 xirab (mor), 301-500 xeternak (qehweyî). (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Piştî barana zêde, konên ku Filistîniyên ku ji ber êrîşên îşxalkerên sîyonîst li Xezzeyê neçar man malên xwe biterikînin lê bicih bûbûn, di bin avê de man.
Li gorî agahiyan, rejîma sîyonîst li Şerîaya Rojava û Qudsa îşxalkirî herî kêm 50 Filistînîyan êsîr girtiye.
Neteweyên Yekbûyî (NY) biryara Emrîkayê ya zêdekirina Cartel de los Soles, ku serokê Venezuelayê Nicolas Maduro îddîa dike ku ew pêşengiya wê dike, li navnîşa terorê wekî biryarek yekalî bi nav kir û ragihand ku ew bi fikarek cîddî nîqaşên pevçûnê yên di navbera her du welatan de dişopînin.