Wezareta Derve ya Azerbaycanê ragihand ku derbarê daxuyaniyên parlamenterê Rûsî Konstantin Zatulin ên li dijî serwerî û yekparçeyiya axa Azerbaycanê de noteyek dîplomatîk ji Rûsyayê re hatiye şandin.

Wezareta Derve ya Azerbaycanê  ragihand ku Balyozê Rûsyayê li Bakuyê Mikhail Yevdokimov, li ser daxuyaniyên Parlamenterê Rûsî Zatulin, ji Wezaretê re hatiye gazîkirin û nota dîplomatîk lê hatiye dayîn.

Di daxuyaniyê de hat gotin ku daxuyaniyên Zatulin ên li dijî serwerî û yekparçeyiya axa Azerbaycanê û helwesta wî ya piştgiriya cudaxwaziyê nayên qebûlkirin û ev helwest bi awayekî bê guman hat şermezarkirin û ji Balyoz Yevdokimov re hat ragihandin.

Di hevdîtinê de, hate destnîşankirin ku ji Rûsyayê hatiye xwestin ku ji bona ku dawî li çalakiyên wêranker ên kesên mîna Zatulin bîne û yên ku dixwazin zirarê bidin aştî û aramiya herêmê, her wiha têkiliyên Azerbaycan-Rûsyayê tedbîrên pêwîst bigire.

Zatulin, ku bi nerînên xwe yên dijî Azerbaycanê tê nasîn, daxuyaniyên rexneyî li cezayên hepsa heta hetayê yên ku li ser rêberên siyasî û leşkerî yên berê yên rêveberiya qaşo Ermenî ya li Qerabaxê hatine birîn kiribû, dabû. (ÎLKHA)