Axîos: Trump dê di demek nêzîk de merhaleya duyemîn a rêkeftina Xezzeyê ragihîne
Karbidestên ku ji çapemeniya Amerîkî re diaxivin dibêjin ku Serok Donald Trump armanc dike ku berî dawiya salê derbasî merhaleya duyemîn a plana xwe ya "aştiyê" ya ji bo Xezzeyê bibe.
Her çend tê îddîakirin ku ev plan dê di avahiya îdarî ya nû ya herêmê de rolek diyarker bilîze jî, êrîşên rejîma sîyonîst pêvajoyê ber bi nezelaliyê ve dikişînin.
Li gorî Axios a li Emrîkayê, rayedarên payebilind ên Amerîkî gotin ku Serok Donald Trump amadekariyan dike ku merhalaya duyemîn a pêvajoya aştiyê li Xezzeyê ragihîne.
Li gorî agahiyên hatine parvekirin, "Konseya Aştiyê ya Xezzeyê" ya ku Trump serokatiya wê dike, dê di navenda modela rêveberiya nû de be ku peyman dê bi rêya wê were bicîhanîn.
Li gorî Axios, Washington û navbeynkar ji bo amadekirina hemî hêmanên pêwîst ji bo derbasbûna merhaleya duyemîn dixebitin. Karbidestekî Qesra Spî got, "Daxuyaniya encumenê û gavên derbarê berdewamiya plana aştiyê de dê di hefteyên pêş de werin ragihandin."
Trump roja Çarşemê got, "Merhaleya duyemîn a peymana Xezzeyê berdewam dike... Ew ê pir zû were bicîhanîn."
Ji aliyekî din ve, pêvajo ji ber tohmetên hevbeş ên di navbera qaşo Serokwezîrê rejîma sîyonîst Binyamîn Netanyahu û HAMASê de hatiye astengkirin.
Ji destpêka xula duyemîn a serokatiya Trump ve, Xezze rastî êrîşên dijwar ên rejîma sîyonîst tê. Ji 7ê Cotmeha 2023an vir ve, zêdetirî 70 hezar Filistînî li herêmê şehîd bûne û zêdetirî 171 hezar kes jî birîndar bûne. Piraniya van şehîdan zarok û jin in.
Agirbesta ku di 10ê Cotmehê de li gorî plana ku Trump par ragihandibû ket meriyetê, bi êrîşên rojane yên rejîma sîyonîst bi bandor hatiye betalkirin. Ji dema ku agirbest li Xezzeyê hatiye ragihandin, bi sedan sivîl di êrîşên îşxalkeran de şehîd bûne. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Rojnameya The Economist nivîsand ku serdema nû li Sûrîyeyê, ku salek berê dest pê kir, gotinên demdirêj ên rejîma kevin ên ku digotin "eger Esed biçe, welat dê hilweşe" red kiriye. Kovarê destnîşan kir ku Serok Ehmed El-Şara, bi saya tevgerên xwe yên dîplomatîk, aramiya ewlehiyê û rêça sîyaseta derve, pêvajoya veguheztinê ji ya ku dihat hêvîkirin bi aramtir birêve biriye.
Hêzên Behrê yên Sipaha Pasdarên Şoreşê ragihand ku dema ku di tetbîqatek berfireh de li Kendava Farisî pergalên parastin û êrîşê yên pêşkeftî diceribînin, wan "hişyariyek zelal û biryardar" daye keştîyên şer ên Emrîkayê yên ku li herêmê digerin.
Gundewarên Deraa û Quneytrayê bi berdewamî bûn hedef; hikûmeta Şamê êrîş, ku tevî hişyariyên navneteweyî jî berdewam kirin, wekî îxlalkirinek sîstematîk a serweriya welat bi nav kir û ser zêdebûna talûke ya rageşiyan li herêmê bal kişand.