13 oC 
Güneşli
فەرماندەیی ناوەندیی ئەمریکا (سێنتکۆم) ڕایگەیاند، سەربازێکی ئەمریکی لە هەرێمی کوردستان کوژرا.
سێنتکۆم لە بەیاننامەکەیدا وەبیری هێنایەوە کە لە ١٧ی تەمووز دوای هێرشەکەی ئێران، هەواڵی کوژرانی دوو سەربازی ئەمریکی و دیارنەمانی سەربازێکیان لە ئوردن بڵاوکردەوە.
لە ڕاگەیەندراوەکەدا ئاماژە بەوە کراوە، دوای گەڕانێکی بەرفراوان، سەرلەبەیانی ئەمڕۆ کارمەندانی سەربازی ئەمریکا تەرمی نەناسراویان لە شوێنی رووداوەکە دۆزیوەتەوە، هەروەها پرۆسەی پشکنینی تەرمەکان بۆ پشتڕاستکردنەوەی ناسنامەکانیان بەردەوامە.
لە ڕاگەیەندراوەکەدا کە سەبارەت بە ڕووداوەکانی هەرێمی کوردستان بڵاوکراوەتەوە، "جگە لەوەش لە هەرێمی کوردستان، سەربازێکی ئەمریکی لەکاتی تەقینەوەی کۆنتڕۆڵکراوی تەقەمەنی نەتەقینەوەدا گیانی لەدەستدا و سەربازێکی دیکەش برینداربووە و چارەسەری پزیشکی وەردەگرێت بەهۆی برینی سوکەوە."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی باران بارینی بەخوڕ لە پاکستان لە یەک ڕۆژدا ٩ کەس گیانیان لەدەستدا و لافاو ٢٨ ماڵی وێران کرد.
سوپای پاسدارانی شۆڕشی ئیسلامی ئێران ڕایگەیاند، "وەزارەتی بەرگری ئەمریکا (پنتاگۆن) خەریکی شاردنەوەی زیانە سەربازییەکانە لە خەڵک." لە بەیاننامەکەدا بانگەشەی ئەوە کراوە کە ژمارەی ئەو سەربازانەی لە هێرشی تۆڵەسەندنەوە بۆ سەر بنکەی ئەمریکا لە ئوردن کوژراون زیاترە لەو ژمارەیەی واشنتۆن بڵاویکردووەتەوە.
سوپای ئەمریکا هێرشی ئاسمانی نوێی بۆ سەر ئێران دەستپێکردووە و ترامپیش هۆشداریی داوە لە تۆڵەسەندنەوە.
لە هێرشی بەرەبەیانیی رژێمی سەهیۆنیدا بۆ سەر ماڵێکی سەر بە خانەوادەی ئەلمەسری لە شاری غەززە، ٥ فەلەستینی کە ٣یان منداڵ بوون، شەهید بوون.
