13 oC 
Güneşli
شەهید ڕافیع سەلامە لە کەمپی خان یونس لە باشووری کەرتی غەززە لەدایک بوو و لە خێزانێکی تێکۆشەردا گەورە بوو کە ژمارەیەک لە ئەندامەکانی، لەوانە دایکی، شەهید بوون. دایکی لە کاتی هێرشی سەربازانی رژێمی سەهیۆنی بۆ سەر ماڵی خێزانەکەی شەهید بوو.
سەلامە چالاکیی پیشەیی خۆی وەک فەرمانبەری کەرتی پەروەردە لە کەمپی خان یونس دەست پێ کرد، بەڵام دوای ماوەیەک دەستی لەکار کێشایەوە و بە کاتی تەواوەتی پەیوەندی بە ڕیزەکانی بەرگرییەوە کرد. ئەو لە سەرەتای دەیەی ١٩٩٠ی زایینیدا پەیوەندی بە کەتیبەکانی شەهید عیزەدین قەسامەوە کرد.
ئەو سەرەتا بۆ فەرماندەیی کەتیبەی "خان یونس – ئەلقەرارە" لەژێر فەرماندەیی شەهید محەممەد ئەلسینوار دیاری کرا و لە ساڵی ٢٠١٦دا بەرپرسیارێتیی فەرماندەیی لیوای خان یونسی گرتە ئەستۆ.
ڕافیع سەلامە لە ساڵی ٢٠٠٥دا ئۆپەراسیۆنی "عومەر تەبەش" و تەقاندنەوەی ژووری ئەفسەرانی شاباکی لە بنکەی سەربازیی "ئەروهان" داڕشت.
ئەو لە ساڵی ٢٠٠٦دا ڕۆڵێکی بەرچاوی لە ئۆپەراسیۆنی بە دیلگرتنی گیلعاد شالیت، سەربازی سەهیۆنی، گێڕا و لە ساڵی ٢٠٠٧دا لە ئۆپەراسیۆنی "ئەحمەد ئەبووتاحوون" ناسراو بە "ڕاوکردنی مارەکان ٣" لە ڕۆژهەڵاتی رەفەح بەشداری کرد.
سەلامە لە کاتی شەڕی "ئەلعەسفولمەئکوول" لە ساڵی ٢٠١٤دا، بەرپرسیارێتیی پلانە جەنگی و بەرگرییەکانی بەرگری لە خان یونس گرتە ئەستۆ.
ئەو چەندین جار لە هەوڵەکانی رژێمی سەهیۆنی بۆ تیرۆرکردنی ڕزگاری بوو کە یەکێک لە گرنگترینیان وێرانکردنی ماڵەکەی لە ساڵی ٢٠٢١دا بوو. رژێمی داگیرکەر هەروەها بۆ وەرگرتنی زانیاری لەسەر ئەو خەڵاتێکی ٢٠٠ هەزار دۆلاریی دیاری کردبوو.
ڕافیع سەلامە وەک یەکێک لە گرنگترین داڕێژەرانی ئۆپەراسیۆنی "تۆفانی ئەلئەقسا" لە ٧ی تشرینی یەکەمی ٢٠٢٣ هەژمار دەکرا.
ئەو سەرەنجام لە ١٣ی تەمموزی ٢٠٢٤، لەگەڵ شەهید محەممەد زەیف، فەرماندەی گشتیی کەتیبەکانی قەسام، لە هێرشی ئاسمانیی رژێمی سەهیۆنی بۆ سەر باشووری کەرتی غەززە شەهید بوو.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بە گشتی ٥٠ ڕێککەوتن و یاداشتی لێکتێگەیشتن کە بەهای ٦٠ ملیار دۆلارە لە نێوان عێراق و ئەمریکا واژۆ دەکرێت.
ژمارەی ئەو کەسانەی لە ئەنجامی دوو بوومەلەرزەی ڤەنزوێلا گیانیان لەدەستداوە گەشتە ٥ هەزار و ٦٩ کەس و ژمارەی بریندارەکانیش گەشتە ١٦ هەزار و ٧٤٠ کەس.
سوپای پاسدارانی شۆڕشی ئیسلامی ئێران ڕایگەیاند کە مووشەکی بالیستیک و فڕۆکەی بێفڕۆکەوانیان ئاراستەی ئامانجە سەربازییەکانی ئەمریکا لە بەحرێن و کوێت کردووە وەک تۆڵەی هێرشەکانی ئەمریکا بۆ سەر ژێرخانی مەدەنی لە ئێران. کوێت پشتڕاستی کردەوە کە بەشێک لە سەربازەکانی لە هێرشەکاندا بریندار بوون.
رژێمی سەهیۆنی هێرشی کردە سەر بەشداربووانی ڕێوڕەسمی پرسەی شەهیدێک لە دەروازەی مزگەوت لە کەمپی نوسەیرات لە ناوەڕاستی غەززە و لانیکەم ٨ کەس شەهید بوون و لانیکەم ٢٠ کەسی دیکەش بریندار بوون.
