13 oC 
Güneşli
لە باکووری ڕۆژئاوای پاکستان بەهۆی تەقینەوەی گولڵە هاوەنێک کە لەلایەن منداڵانەوە هێنرابوو لە مەدرەسەیەک تەقیەوە و بەهۆیەوە ٢ منداڵ گیانیان لەدەستدا و ١٦ منداڵیش بریندار بوون.
بەگوێرەی سەرچاوەکانی پۆلیس رووداوەکە ڕۆژی دووشەممە لە مەدرەسەیەک لە ناوچەی وەزیرستانی باکووری پارێزگای خەیبەر پەختونخوا لە باکووری ڕۆژاوای پاکستان رووی داوە.
بەگوێرەی میدیا ناوخۆییەکان، بەشێک لە خوێندکاران گولڵە هاوەنێک هێناوە بۆ ناوەوە کە لە دەرەوەی مەدرەسە دۆزیویانەتەوە و گومانیان دەکرد کە ئامێرێکی یارییە.
بەپێی وتەی بەرپرسان، ئامێرەکە لەکاتی یاریکردنی منداڵاندا تەقیوەتەوە و بەهۆیەوە ٢ منداڵ گیانیان لەدەستداوە و ١٦ی دیکەش لە شوێنی رووداوەکە بریندار بوون.
سەرچاوەکان ئاماژەیان بەوەشکردووە، ئەو خوێندکارە بریندارانە گواستراونەتەوە بۆ نەخۆشخانەیەکی نزیک لەو شوێنە بۆ چارەسەرکردن.
لێکۆڵینەوە لەبارەی رووداوەکە بەردەوامە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەرەبەیانی ئەمڕۆ دەزگای بەرگری شارستانی لە غەززە ڕایگەیاند، لە ڕۆژئاوای شاری غەززە دیوارێکی گەورە بەسەر خێوەتەکانی نیشتەجێبوونی ئاوارەکان داڕما و ٢ کەس گیانیان لەدەستدا.
لە پارێزگای ئاومۆری وڵاتی ژاپۆن بوومەلەرزەیەک بە گوڕی ٦.٧ رووی دا و دوای بوومەلەرزەکە هۆشداری تسونامی درا.
بزووتنەوەی خۆڕاگری ئیسلامیی فەلەستین حەماس، ئەمڕۆ بە دەرکردنی بەیاننامەیەک، بڕیاری حکوومەتی بۆلیڤیای بۆ دەستپێکردنەوەی پەیوەندییە دیپلۆماسییەکان لەگەڵ رژێمی تاوانکاری سەهیۆنی دوای ١٤ ساڵ، بە توندی سەرکۆنە کرد.
سەرچاوە پزیشکییەکان لە غەززە ڕایانگەیاند، منداڵێکی ٨ مانگان لە غەززە بەهۆی سەرما گیانی لەدەستدا.
