باندە جوولەکەکان بە بەرد هێرشیان کردە سەر جووتیارانی فەلەستینی لەکاتی هەوڵدان بۆ گەیشتن بە باخەکانی زەیتونەکانیان لە ناوچە گوندنشینەکانی نێوان هالتن و بەیت ئومەر لە کەناری ڕۆژئاوای داگیرکراو و بەهۆیەوە ٧ کەس بریندار بوون.

بەرەبەیانی ئەمڕۆ لە ناوچەی ویردان لە نێوان حەلحول و بەیت عومەر لە باکووری شاری ئەلخەلیل هێرشێکی چەتەکانی جولەکە ئەنجام درا و بەهۆیەوە ٧ فەلەستینی بریندار بوون.

بەگوێرەی سەرچاوە خۆجێیەکان، جولەکەکانی چەکدار لە ناوچەی نایاسایی کارنی تسور کۆمەڵێک جووتیاریان کردە ئامانج کە هەوڵی گەیشتن بە زەویەکانیان دەدا.

٧ لەو جووتیارانەی کە لەلایەن باندە جوولەکەکانەوە هێرشیان کراوەتە سەر بە بەرد و دار و گازی فرمێسکڕێژی توند، تووشی لێدان و برینداری جۆراوجۆر بوون، هەروەها بەهۆی ئەو غازەوە بێهۆشبوون.

بریندارەکان لەلایەن تیمە پزیشکییەکانەوە گواستراونەتەوە بۆ نەخۆشخانەی دەوڵەتی مەحمود عەباس لە شاری حەلحول.

خەڵکی ناوچەکە دەڵێن کە هێرشەکانی باندە جولەکەکان بە شێوەیەکی سیستماتیکی زیادی کردووە، بە تایبەت لە وەرزی دروێنەکردن و کشتوکاڵدا، هەروەها ڕێگری لە جووتیاران دەکرێت تەنانەت دەستیان بە زەویەکانی خۆیان بگات.

باس لەوە دەکرێت کە ئەم جۆرە هێرشانە بەشێکن لە سیاسەتی ستەمکاری درێژخایەنی داگیرکەران کە ئامانج لێی ترساندنی فەلەستینییەکانی ناوچەکەیە.(İLKHA)