عەلی یەرلیکایا وەزیری ناوخۆی تورکیا ڕاگەیاند، لە ٢ هەفتەی کۆتاییدا لە ئەنجامی ئۆپڕاسیۆنەکانی هێزەکانی جەندرمە ٥١ گومانلێکراوی داعشی دەستبەسەر کران.

عەلی یەرلیکایا وەزیری ناوخۆی تورکیا ڕاگەیاند، لە پارێزگاکانی ئەدەنە، سەمسوور، ئاماسیا، ئەنقەرە، ئانتالیا، بالیکەسیر، چەناققەلعە، چانقری، چۆڕوم، دیاربەکر، ئەرزەڕوم، عەنتاب، هەکاری، هەتای، ئیدر، ئیسپارتا، ئیستانبوول، ئیزمیر، قرققەلعە، قڕشەهر، کلیس، قۆجائەلی، قۆنیە، مێرسین، موغلا، نەوشەهر، نیغدە، عوسمانیە، ڕحا، تەکیرداغ، تۆقات و زۆنگولداق لە دژی داعش ئۆپڕاسیۆن بەڕێوەچوو.

ناوبراو باسی لەوە کرد، لە ئەنجامی ئۆپڕاسیۆنەکاندا ٥١ گومانلێکراوی داعشی دەستبەسەر کران کە هاوکاری پارەیی بۆ ڕێکخراوەکانی هاوکاری سەر ڕێکخراوەکە دابین دەکرد و لە تۆڕە کۆمەڵایەتییەکان پرۆپاگەندەیان ئەنجام دەدا.

ناوبراو باسی لەوە کرد کە دەستبەسەر ژمارەیەکی زۆر بەڵگەی ڕێکخراوی و دیجیتالدا گیراوە.(İLKHA)