لە ئەنجامی زەوی لەرزین لە پاریزگای دارفووری وڵاتی سوودان گوندێک بە تەواوەتی لە ژێر خاکدا مایەوە و زیاتر لە هەزار کەس گیانیان لەدەستدا.

بزووتنەوەی سوپای ڕزگاریخوازی سوودان کە ناوچەکەی کۆنترۆلکردووە سەبارەت بە رووداوەکە ڕاگەیەندراوێکی بڵاو کردەوە.

بزووتنەوەکە ڕاگەیاند کە بە پێی زانیارییە سەرەتاییەکان لە ئەنجامی ڕووداوەکەدا تەواوی خەڵکی گوندی تیرسین لە ناوچەی سۆنی گیانیان لەدەستداوە و تەنها کەسێک بە زیندوویی ڕزگار بووە.

لە ڕاگەیەندراوەکە باس لەوە کرا، کارەساتەکە بەهۆی بارینی بارانی بەخوڕ رووی داوە و گوندەکە بە تەواوەتی لە ناو چووە و بانگێشتی نەتەوە یەکگرتووەکان و ڕێکخراوەکانی ناوچەیی و نێودەوڵەتی کرا کە بۆ دەرێنانی تەرمی قوربانییەکان هاوکاری بکەن.

مینی ئارکۆ میناوی پارێزگاری دارفوور سەبارەت بە رووداوەکە ڕاگەیەندراوێکی بڵاو کردەوە و باسی لەوە کرد کە رووداوەکە تراژێدیایەکە سنوورەکانی ناوچەکە تێدەپەڕێنێت.

هەروەها باسی لەوە کرد کە ژمارەیەکی زۆر هاوڵاتی بە شێوەیەکی دەردناک گیانیان لەدەستداوە و بانگێشتی هاوکاری نێودەوڵەتی کرد.(İLKHA)