رژێمی داگیرکەری سەهیۆنی ئەمڕۆ بەیانی هێرشی کردە سەر غەززە و لە ئەنجامی هێرشەکەدا لانیکەم ١٧ کەس شەهید بوون.

بە پێی راگەیەندراوی سەرچاوەکانی تەندروستی غەززە، لە ئەنجامی هێرشی سوپای داگیرکەر بۆ سەر خانووی خانەوادەی جودە لە کەمپی پەنابەرانی شاتی لە ڕۆژئاوای شاری غەززە ١١ کەس شەهید بوون و ژمارەیەکی زۆر کەسیش بریندار بوون.

لە ئەنجامی هێرش سەر خانوویێک لە شاری دەیر بەلاح فەلەستینیێک و کوڕەکەی شەهید بوون. لە ئەنجامی هێرشێکی دیکە بە فڕۆکەکانی بێ فڕۆکەوان بۆ سەر خێمەی ئاوارەکان لە ڕۆژئاوای خان یونس دوو فەلەستینی شەهید بوون.

لە ئەنجامی هێرشێکی ئاسمانی بۆ سەر خانووی خانەوادەی خوروبی لە کەمپی پەنابەرانی بورەیج کەسێک شەهید بوو و ژمارەیەکی زۆر کەسیش بریندار بوون.

رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە بەردەوامە لە هێرش سەر غەززە و لە ئەنجامی هێرشەکاندا نزیکەی ٢٠٠ هەزار کەس شەهید و بریندار بوونەتە و هەزاران کەسیش بێ سەروشوێنن.(İLKHA)