ئەمڕۆ بەیانی ئێران راستەخۆ شاری بیرالسبعی داگیرکراوی کردە ئامانج. ئایەتولڵا سەید عەلی خامنەیی رابەری کۆماری ئیسلامی ئێران وتی، "دوژمنی سەهیۆنی ئێستا سزا دەدرێت."

ئەمڕۆ بەیانی ئێران لە ئەنجامی ئۆپڕاسیۆنێک بۆ سەر شاری بیرالسبع لە باشووری خاکەکانی داگیرکراو "ناوەندی تیکنۆلۆجیای گاڤ یام نەگەڤ"ـی کردە ئامانج کە دامەزراوەکانی سەربازی و سایبەری تێدایە. بە پێی ئیدعای داگیرکەران، هێرشەکە بووە هۆی وێرانکاریێکی گەورە و لانیکەم ٣٧ سەهیۆنی بریندار بوونەتە.

کەناڵی ١٢ی داگیرکەر و فڕیاگوزاری داگیرکەر باسی لەوە کرد کە ئۆپڕاسیۆنەکە بە مووشەک ئەنجام دراوە. دوای ئۆپڕاسیۆنەکە سوپای داگیرکەر راگەیاند کە "لێپرسینەوە دەستیپێکردووە."

کەناڵی سی،ئێن،ئێن بە پشتبەستن بە شاهێدحالەکان راگەیاند کە لە نزیکەی ئۆفیسی مایکرۆسافت ئاگر دەرکەوتووە. هەروەها باس لەوە کرا کە بەهۆی خسارەکە هاتوچۆی شەمەندەفەر راگیراوە. ڕۆژنامەی یەدیۆت ئاهرۆنۆت راگەیاند کە زیان بە ژمارەیەکی زۆر خانوو گەشتووە.

ئێران: دوژمنی سەهیۆنی ئێستا سزا دەدرێت

ئایەتولڵا سەید عەلی خامنەیی رابەری کۆماری ئیسلامی ئێران لە هەژمارەی خۆی لە تۆڕی کۆمەڵایەتی راگەیاند، "دوژمنی سەهیۆنی ئێستا سزا دەدرێت."

میدیاکانی ئێران باسیان لەوە کرد کە ئۆپڕاسیۆنەکە بۆ سەر ناوەندەکانی گرینگی سەربازی و سایبری ئەنجام دراوە.

ئێران بە مووشەک و درۆن وڵامی هێرشەکانی رژێمی داگیرکەری سەهیۆنی دەدات. لە ئەنجامی ئۆپڕاسیۆنەکاندا تاوەکو ئێستا دەیان سەهیۆنی کوژراون و سەدان داگیرکەر بریندار بوونەتە. هەروەها خسارێکی گەورە بە ژێرخانی، دامەزراوەکانی تیکنۆلۆجیا و سەربازی گەشتووە.(İLKHA)