13 oC 
Güneşli
شەڕی جینۆسایدی رژێمی سەهیۆنی بۆ سەر غەززە بەردەوامە. لە ٩٥هەمین ڕۆژی هێرشەکاندا، لانیکەم ٩٢ فەلەستینی لەوان ئەوانەی چاوەڕێی یارمەتیدان شەهید بوون.
لە شەڕی جینۆسایدی رژێمی سەهیۆنی لە کەرتی غەززە، لاپەڕەیەکی تاریکی نوێ کرایەوە.
لە ماوەی ٢٤ کاتژمێری رابردوودا لانیکەم ٩٢ فەلەستینی شەهید بوون و دەیان کەسیش بریندار بوون.
٢٣ لەو شەهیدانە لە کاتی چاوەڕوانی یارمەتیدان بە گولڵەی داگیرکەران کوژراون.
هێرشەکان بە تایبەتی لەسەر بنکە فریاگوزاریەکان لە دەوروبەری ڕێڕەوی نەتزەریم و لە ناوچەکانی غەززە، دەیر بەلاح و جیبالیا چڕبووەوە.
بەگوێرەی سەرچاوەکانی نەخۆشخانەی ئەلعەودە لە غەززە، بەهۆی تەقەکردن لە خەڵکی مەدەنی کە چاوەڕێی بارهەڵگری فریاگوزاری بوون لە نزیک ڕێڕەوی نەتزەریم، ٢٣ کەس گیانیان لەدەستداوە و ژمارەیەکی زۆریش برینداربوون. پێشتریش لە هەمان شوێن هێرشی هاوشێوە ئەنجامدرابوو.
لە نێو ئەو کەسانەی لە هێرشەکاندا کوژراون ئافرەت و منداڵیش هەبوون و شایەتحاڵانیش باسیان لەوە کردووە کە نەتوانراوە تەرمەکان لە زەوی دەربهێنرێن بۆ ماوەی چەند کاتژمێرێک و بەهۆی ترسی ئەوەی داگیرکەران جارێکی دیکە ناوچەکە بکەنە ئامانج، ئەمبولانسەکانیش دواکەوتوون.
لە هێرشێکی فڕۆکەوانیدا کە شەوانە بۆ سەر ماڵێک لە ڕۆژئاوای دەیر بەلاح ئەنجام درا، ٨ کەس شەهیدبوون و ژمارەیەکی زۆر لە خەڵکی سڤیل برینداربوون، هەندێکیان بە سەختی برینداربوون.
لە ڕۆژهەڵاتی جیبالیا، شەڕ و پێکدادانی توند لە نێوان شەڕڤانانی کەتائیبی قەسام و داگیرکەرانی سەهیۆنی روویدا. شەڕڤانانی قەسام سێ تانکی مێرکاوایان تێکشکاند.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
نزیکەی کاتژمێر ١٦:٠٠ مووشەکەکانی سەر بە سوپای پاسدارانی ئێران بەرەو ناوچە داگیرکراوەکان ئاراستە کران.
گەلی ئێران بۆ دەربڕینی ناڕەزایەتی لە بەرامبەر هێرشەکانی رژێمی داگیرکەری سەهیۆنی لە تارانی پایتەخت رێپێوانی تۆڕەیی و سەرکەوتنیان رێکخست.
بەرەبەیانی ئەمڕۆ لە گوندی تل سەبعە لە ناوچەی نەگێڤی داگیرکراو، دوو خوشکی تەمەن ١٨ و ٢٠ ساڵان کوژران.
مەسعوود پزیشکیان سەرۆک کۆماری ئێران وتی، "تاکە ڕێگا بۆ کۆتایی هێنان بە شەڕی سەپێنراو ئەوەیە کە دوژمن بێ مەرج ڕابگرێت لە هێرشەکانی و گەرەنتییەکی پتەوی بدات کە سەرگەرمیی تیرۆریستانی سەهیۆنی بۆ هەتا هەتایە کۆتایی پێبێت."
